咁又過左一個星期，只派左一份咁大把。
有時候我真係唔想佢派卷，唔係因為驚唔合格，
只係唔想見到d唔理想既成績。左又扣一d右又扣一d，
d Miss 同阿Sir 成日都吊人癮，只係識講點扣我地分，
總係有心理作用，我都好似係咁錯，
只不過係心理作用姐。都隔左咁耐我係咁真係記得呢？
連我自己都唔清楚我自己答左什麼落份卷。
不過我又好似答左。算啦已經考完啦。
星期三上EBC堂，
 失驚無神Milly入黎班房，
以為佢有什麼重要事情要宣佈，原來係Check 校服，
走都走唔切。大家一切大叫「大檸樂」，無得走，
雖然話課室有2隻門，走左一個就唔多覺姐，
根本無可能成班都走哂。我離對門既距離都幾遠嫁。
根本就走唔切。好多人都俾佢捉左，
基本上差唔多全班人都唔合格。
五隻手指都已經數完喇。
『你睇我唔到、你睇我唔到、你睇我唔到』
心裡不斷地唸，並唔同佢有眼神接觸，
扮唔知佢要捉我，你要捉我你自己來捉我啦！
這個方法都唔錯wo，坐係最面既同學都無一個俾佢捉
﹝當然包括埋我啦﹞。但係過左一分鐘左右有兩個同學仔走左入來，
我諗佢地唔知Milly 捉校服，一入來就捉左。
阿yu都傻傻地，明明Milly 睇佢唔到既啦，
佢自己好乖咁出左去記名，傻瓜來既。
星期五上化妝堂﹝今日上第一堂﹞，嘩！
一入到班房成張桌子都係化妝品，大大話話都有成幾十支嫁。
上堂喇！開始時都幾專心既，
不過過左一陣間就心唔知去左邊到，同阿YU吹水。
幾隻謢膚品查係隻手到。最後教我地修眉。
|
