恭祝全人類生日快樂，
心想事成。

由初一到初三都係好乖咁樣留在屋企，好鬼悶啊！
又冇得逗利是，好唔開心呀。初三阿媽終於返來喇，
今年既利是真係好少，三百蚊都無，
都唔知點解細佬多我咁多佢差唔多成五百蚊，
早知我都返大陸，不過返都去我都唔知我做什麼好，
唔係咁鍾意返大陸。為左幾百蚊返去？
我都唔知下年我會唔會返去，佢地返去返成幾日，
會好悶嫁。下年先算啦！

初四我同Natalie去左聯和墟戲院睇魔幻王國，
都幾好睇嫁。等到出碟會租黎睇多次。
都唔係好多人去睇，不過有好多一家大小去睇。
可能因為佢係聯和墟啦，
我住係粉嶺咁耐都係笫一次去聯和墟戲院睇戲，
我地都要去到問人先知係邊到。少人去睇都係正常既。
不過我地走既時候......嘩嘩！好多一家大小係出面，
雖然好細，但係都有好多人去睇戲嫁。
跟住我地去左打波，好耐都無打波喇。
不過我O的球技一D都進步到，
唉！算啦我D運動細胞一點點都沒有，玩完就算。

初五我同Natalie、晶晶同Gladays一齊去唱K，
唱K都咁多人。我地等野食都要等左成個鐘先至有野食，
你話多唔多人啦？唱呀唱呀，唱到聲到沙，
晶晶同Gladays佢地主要唱國語歌，而我地主要唱廣東歌，
一次過唱，我唱都冇氣喇。佢地好鬼勁，
唱咁唔多見佢地冇氣，我都要返屋企練下歌先。
唱完喇，我地周圍行周圍行都咁多人，
我地來來回回咁多次戲院都係咪多人排隊，
假期真係好多人去睇戲。次次上網都係爆，
都唔知去邊間戲院睇好。差唔多五點鐘就走了，
因為今日姑姐佢地來拜年，要早D走。佢地又一齊走。
屋企好熱鬧呀！比起初一至初四真係冇得比呀。

初六回復一遍寧靜，在屋企唔知做什麼，
亦都唔記得我做過什麼，只係記得東叔夜晚來過拜年。
同大家吹下水。

今日都係一遍寧靜，都係在屋企唔知做什麼，
亦都唔記得我做過什麼。