今日考science，實驗加寫報告，

開頭唔知自己做得岩唔岩，

因為冇得查字典，驚會做錯，

所以問下miss，再睇多幾次條問題，

先問始做，做完之後個報告寫得唔多，

3個鐘入邊用左大概2個鐘，

考完去ESOL房坐陣，本來想去art room做紙像，

但係miss唔係到，所以番home，

今日好凍，大風大雨，又落左陣雪同雹，

仲聽到好似行雷聲，

係呢到都係第1次聽到。

今日唔洗番學，睇戲-機動部隊之伙伴，

其中一幕係我3,4年前去食自助餐時，

見住佢地拍，估唔到咁耐先出，

睇睇下覺得好似見過，哈！

咁都比我記得，睇完戲溫書同做閱讀報告，

未睇曬本書，考完試之後交，

所以做左先，廢事心掛掛。

今日係home上網，搵到個網關於二戰武器，

狂係到睇，d資料岩曬english 個reasearch用，

睇果個網睇左好耐，之後係到睇書溫習。

今日成日係home睇戲睇書，同玩搖控車同直升機！

今日考maths，入到禮堂都唔知有冇坐錯位，

考得可以話好好，寫左好多，

但係唔知岩唔岩，我都唔知有幾條題目問咩，

估下做下，限時1個半鐘，用左1個鐘，

考完就走，第1批走，去左ESOL房睇書，

跟住mark同kazu都考完，係到傾計，

跟住番home上網，mark 1點幾黎左，

佢朝早同我一樣考year11 maths，

下午考year10 english，

考完 english之後係year11 maths堂，

所以可以早走(詳細唔多講)，佢黎左我home，

睇左套戲，跟住比佢睇下我架直升機，

又講起細個玩果d野，ZOIDS,寵物小精靈果d，

跟住落town，去到warehouse(超市)，

見到變型金剛2 d玩具，

同我之前係網上睇果d一模一樣，

比變型金剛2果d好好多！

今日"考試"開始，graphics，

係到學起木屋果d野，真係想死，

仲慘過考試，坐係到兩個鐘學果d，

跟住一個鐘畫圖，

完左之後去ESOL房睇書，

然後去art room做我個紙像，

本來冇考師係到，諗住走，

點知我走時見到個miss，

所以佢開門比我整，跟住打籃球同番home，

收到我呀爸媽寄黎既包裹，

拆超耐先拎到入邊個野出黎，

景然係格蜂鳥直升機，o咀，

估唔到佢地送個搖控直升機比我，

當提早生日禮物?

我左3-4次，好難控制！

今日第1堂graphics，畫playhouse既設計圖，

我好中意我個設計，

第2堂maths，派番我地琴日個test，

我拎merit，可惜冇cresits拎，

最尾果題我本來個計法岩嫁，但係我唔肯定，

所以用第2個方法，結果錯左，

有一題得我同澳洲果個Bellie岩，

第3堂science，繼續講實驗結果，

有個同學問我佢個名係中文點寫，

我本來唔想寫，但係我又唔好意思，

所以幫佢寫，之後係預料之中，其他人又問，

第4堂art，成堂畫畫，真係好玩，

落堂後miss比左本大畫簿，

唔係人人都有得幾個人有，

比我地上網搵d畫家既作品，貼or畫上去，

將你中意既作品擺上去，

第5堂ESOL，教生字同做test。

今日第1堂aths，miss問番，

做test，唔知岩唔岩，

第2堂science，講實驗結果要點寫，

下半堂去hall集會，

第3堂art，教做新野，

第4堂ESOL，做test，終於做完呢份，

lunch去art做我個紙像，帶番home做，

第5堂english，去圖書館搵reseerch資料。

今最第1堂science，寫果d關於上次個實驗既報告，

第2堂art，成堂比我地畫畫，

miss整左d cake果d，放係到比我地畫，

畫完之後比我地地食曬，真係超好味，

第3堂ESOL，教生字，

第4堂english，諗個research既題目，

本來諗住做荳製品，但係我miss話唔夠大，

好難做，最後我做二次大戰，岩曬我做，

第5堂graphics，冇咩點做野，

呀sir講我地做果個coffee mug package既分，

我3個入邊pass左2個，

有兩個同學互copy用電腦畫果d圖，

交出黎一模一樣，結果兩個都冇分，

真係蠢，錯都錯一樣，

放學我homestay話佢個鍵盤打唔到字，

佢果個係無線鍵盤，所以要換電，

佢話佢換左新電都唔得，最後我幫佢睇，

原來係佢粒電放錯方向，跟住我見搞開電腦，

就同佢講我部電腦上網有問題，

跟住我係到check，發覺我條上網線有問題，

呢個問題其實發生左好耐，我以為係天氣凍，

所以搞到好慢，但係我問我homestay，

佢話佢上到，所以先check，

佢話星期6,日幫我搞，跟住食完飯，

我幫我homestay搞張草墊，

放係個陽台到，出面凍到死！

今日係home睇書同上網，

就黎考試la，唔知係點樣嫁呢!