今日第1堂maths，教因式分解，

第2堂science，講下黎緊既考試，講下atoms，

第3堂art，聽miss講野，冇野做，臨落堂時，

同另外3個人比miss叫左去講d野，

話咩scholarship，大致上都唔知佢講咩，

第4堂ESOL，寫下句子，比呀sir改，

第5堂english，比左篇article我地睇，

講一戰有個人作左首詩，之後變成d紀念日既野，

首詩真係唔知講咩，要我上網搵先知點解，

超多功課同查字典要做！

今日係home睇戲,上網,查字典，

準備聽日番學，又要番學！

今日我homestay去palme，

我就去jeff home，去到食左d野，

然後A4一齊玩棒球，"才定" 球，

kazu d ball超勁，超大力，

我成日用錯位接ball，

所以接kazu d ball隔住手套都痛，

搞到個手套已經d皮有d裂，

因為咁，所以我地轉用軟ball，

真係差好遠，提早少少番home，

但係我homestay仲未番，

等左超耐佢地先買野番黎比我地食，餓死！

今日又收到包裹，

我爸媽寄黎既DVD，有3隻，

睇書同做閱讀隨筆，

終於搞點，真係好正！

跟住睇我呀爸寄黎既DVD--游龍戲凰，好好睇。

今日收到我爸媽寄黎既包裹，

兩個袋同一對鞋，

之前話會寄d DVD黎比我，但係唔見有，

跟住我大家姐搭車番wellington，

我成日瘋狂睇書，

因為想係星期6前做好個閱讀隨筆，

咁我就我以去打ball。

今日睇書，跟住落town，

幫我homestay做d野，幫我家姐買野，

然後約左jeff同kazu去買棒球手套--15蚊，

本來真係買水槍，

但係kazu同jeff佢地又唔多想玩，

所以冇買到，jeff買左塊連身鏡，

番home，撞到個老師，

話呀jeff塊鏡好重，行咁遠唔得點，

叫佢車我地番home，哈！

跟住車左我番home，然後成日睇書。

今日international students活動，

去TAWA (wellington附近)，

坐左2個半幾鐘車，去到一個貨倉咁既地方，

睇衫，我買左條脛鏈，

初初睇價錢17蚊，之後減價12蚊，

比錢時原來係8蚊，

跟住再去一個幾大既商場shopping，

去左兩蚊店買野，到買左兩條鏈，

加埋5蚊，然後食lunch，11蚊，

跟住去搵水槍，都ok，但係冇買，

然後去palme一間運動鋪買棒球手套，

但係太貴所以冇買，淨係買左個棒球，

然後食dinner--泰式。

今日起身同我家姐睇套台劇，食lunch，

自己煮番茄炒蛋，第一次煮，幾好食，

食完jeff同kazu黎左，一齊去school打籃球，

執到個欖球，jeff同kazu拎黎玩，

我繼續打籃球冇，無幾耐mark黎，

jeff佢踢個欖球時，

個欖球踢左上去個体育館既頂上面，

整左個網球落黎，跟住個欖球就唔見左，

我地就玩"才定"ball，好似棒球果d咁，

我除左眼鏡都接到ball，勁野，

"才定"完ball就拎個籃球黎踢，踢完番home。

今日同大家姐落town，

買左隻燒雞同個cake番home食，

番home食lunch，之後睇書同上網。

今日起身玩電腦/打籃球，

然後出去接我大家姐，

佢係wellington搭車黎，

接完番到home，jeff同kazu突然黎左我home，

問我拎籃球打，上次打完擺曬d ball係我到，

我即刻換衫同佢地一齊去school打ball，

去到school冇人係到，

但係有好多車泊係到，奇怪！

冇人開場比我地打ball，

之後去左mark home打籃球，

打完係佢home食烏冬，韓國既辣烏冬，

食既時候唔覺辣，但係我就係咁流汗，

係咁滴，d汗仲多過打籃球既時候留果d，

食完番home。