今日lunch出街食，我呀媽未黎到，
我呀爸行開左，得番我一個，之後唔知邊個，
係我張檯拎左支辣椒醬用，用完放番落黎，
張檯斜斜地，同埋唔知邊個放係個邊邊位到，
可能張檯撞一撞整跌左樽野，爛左(玻璃)，
側邊果d侍應呀姐係到望，好似係到話我整跌樽野咁，
之後個老板娘叫d呀姐掃左d野佢先識做野，
食完番home睇戲，一路"meet"芽菜，一路睇戲，
跟住去我呀爺hme食飯，7個人9碟"食送"。
今日本來諗住約人打ball，點知唔夠人，
所以冇打到，留係home，之後去大興体育館打羽毛球，
打左一陣同我堂大佬單打，初初我打得唔係咁好，
之後慢慢ok，之後練下d技術，打完去飲茶食dinner。
今日我.2家姐and呀爸去天耀銀行同郵局，
搞超耐，之後答巴士去中環食野，
再轉車去瑪麗醫院同我家姐複診，臨落車時，
嫁巴士突然剎車，企係我後面成班女仔扶唔實，
訓曬落我到，好彩我扶實，如果唔係好似骨牌咁，
入到醫院，等候既途中，
有個女仔唔知咩事超大聲咁鬧人(應該係電話入邊果個)，
之後又有人打爛左個玻璃既奶瓶，
真係多災多難，睇完答小巴轉地鐵去尖沙嘴，
join我大家姐and堂家姐去red box唱k，
1蚊1個人，食物另計，但係我呀爸話比人讚下錢，
所以特登叫左d野食，我冇咩點唱歌，
可能唔係自己既地方，
唱2個鐘之後去食自助餐，冇胃口食。
今日留係home睇戲，冇咩特別。
今日去健生食麻辣雞面，食到流曬汗，
我流既汗仲多過陣間打ball流既汗，
之後去友愛体育館打羽毛球，打兩個鐘，
見到我以前小5教我打ball個教練，我冇叫佢，
因為廢事比佢見到我打ball咁廢，
影衰佢..........，之後去食糖水，番home。
今日去左YL開戶口，我入左2千7百落個戶口到，
好快搞點，之後去pizza hut食野，
好少人，一坐落去，隔黎果家人都唔知係咪大陸黎，
鬼殺咁嘈，個細佬周圍走，
佢果家人就超大聲離遠咁叫佢番去食野，
成間鋪都聽到佢地講野，跟住我地轉位坐，
靜左少少，我地食左個4人餐，
再加個大pizza，岩岩夠飽，
食完周圍行，行到6點幾。
今日我呀婆黎左，之後去YL既滿懷庭到食，
好味，好似唔知做咩送多左籠小籠包比我地，
正，食完番home，夜晚得我同呀爸係home，
我呀爸拎左琴日燒野食淨番果d"食送"煮飯，超飽。
今日約左我堂大佬一家黎我home燒野食，
朝頭早係到拖地，洗廁所，3點去左YL食上海野，
好耐冇係果間鋪到食野，食完去買料燒野食，
超多lo，重死，好彩有嫁車仔拖，之後番home，
我呀媽同大家姐係到整果d野食，
我就係上天台搞場地，燒烤爐，搞左超耐，
跟住我堂大佬去左黎天台，但其他人未到齊，
所以我同佢玩住搖控車先，之後我地係到起火，
個火起到好大，但係佢地都未上黎，
到到個火細番，佢地先上黎，
好耐未燒過野食，感覺好正，燒到好熱既野，
初初都唔算太凍，夜d之後就凍，
d汽水唔洗放入雪櫃都夠凍，
跟住個月亮超大，又圓wo，
我地燒到11點幾落番我home到，
廚房個燈壞左，跟住我大伯幫我地整番好，
然後食糖水，食完佢地就走。
今日係home睇左2套戲，玩下bb彈槍，
之後去左大興体育館打羽毛球同我堂大佬單打，
有激烈，打到喘曬氣，兩個鐘之後，
同打ball其他既uncles食飯，幾好食，
最中意都係個糖水----紅豆沙。
今日睇神探伽利略電視劇版，好精彩，
又睇番之前睇過d書，
又執下我d bb彈槍，有好多都壞左。
