今日約左mark & jeff黎我home，

廢事比佢地點黎點去，佢地未黎之前，

我homestay比我剪唔剪草，

我即刻拎我果個錄影機一路剪一路影，

果個剪草機好鬼重，轉彎好難轉，

草完一陣，mark & jeff黎左，

初初比佢地睇下我果部搖控車點樣行草地，

跟住呀jeff就係到上網，我就同呀mark捉盲棋，

我贏，然後捉象棋，第一鋪我贏，一生既第一鋪，

不果係mark佢好大意，第2鋪佢贏番，

然後mark比左隻世紀爭霸既碟我裝落部電腦到，

可以由石器時代玩到未來既微子時代，

初初玩任務，用成隊兵保護2個人，

最後死淨dd，果兩個人冇死到，完成任務，

玩完比jeff用電腦，我同呀mark傾下讀書既困難，

玩下搖控車，冇幾耐兩個就走，我就食dinner，

食完再玩世紀爭霸，

一開始就由一次大戰玩起，好過玩任務。

今日12點約左jeff，去佢home等，

再帶我去mark home，因為我唔識去mark home，

11點半出門口，我帶左我部電腦同搖控車去，

又熱又曬，行到去sd text比佢，

冇複我機，咁我以為佢會好快出黎，

我就去佢home對出既一個大草地既樹下坐，

一路聽歌一路坐，間時sd text比佢，

等左45分鐘到，終於忍唔住，

去佢home搵佢，佢homestay話佢唔係到，

話佢同kazumasa & mark離開左dannevirke，

唔知邊到既一個沙灘到，我即刻嬲到番home，

最"爭"人甩我底，番到home，

我homestay話呀mark係我走之後打過比佢，

話佢地走左之類既野，我走左入房打陣機，

然後我再詳細d問homestay呀mark頭先講咩，

我homestay同mark講話我出左去，叫佢打比我，

之後mark講話打唔到電話果d野..............，

跟住我homstay聽唔明佢講咩，

聽完我homestay講既野後，我就食lunch，

然後係home到周圍行，因為唔想再用腦，

拎部搖控車出黎玩，

今日部搖控車出奇地可以係草地到行到，超正，

跟住比佢上個大概45度角既木板，都上到，

真係好玩，dinner食KFC，好味，有少少辣，

但係都好食，食完見到呀mark on msn，

同佢傾視像，狂係到罵佢，

佢話佢去唔知邊到收唔到電話，

問人借電話打，我就身水身汗，

佢地就係沙灘玩水，真係@#$%^&*。

今日tutor點名，講社際游泳比賽，

d人問我參唔參加，答佢地no，

係hk既話我一定唔會，係nz點會會呀，

第1堂ESL，同呀sir講假期做咩，

跟住講解d credit，

然後問我上年果d生字點解，都答到一兩個，

第2堂english，原來唔係得3個男，

嚇死我，講閱讀隨筆d野，救命呀，

第3堂graphics，岩岩上堂冇幾耐火警鐘響，

果時落緊雨都要去大草地集隊，好彩我有帶遮，

去到大草地，我tutor d人見到我有遮就行曬過黎遮，

有個男誇張到攬住我遮，一陣之後番番上堂，

我功課畫toaster貼堂，好野，

第4堂maths，個miss冇番，

所以個呀sir代課，做數，

lunch諗住去廁所，

點知見到廁所入邊5個定6個廁格入邊都有人係到食煙，

跟住去校務處講比副校聽，

跟住我順便係校務處交埋買maths workbook d錢，

然後番ESOL房搵份禮物，幫我家姐送比個老師，

去到校務處見到呀miss叫佢幫我搵果個老師

，送左比佢之後番ESOL房放低d野，

跟住再去廁所，因為落雨，

d女同學坐曬係個走廊，行過個個都係到同我say hi，

所以為避開佢地，我要行個大圈去廁所，

lunch完之後要去hall到影學生相，最後一個影，

第5堂science，講chromosomes，

唔係咁明，個miss問我問題，我都唔知點答佢好，

"魚"爆，放學番home又係到查字典。

今日homestay車番學，但係佔過過平時先到school，

tutor點完名之後上第1堂，見到我果級既去曬hall，

所以跟埋去，原來有集會，個呀sir講左一輸野，

跟住叫名分班，我到我我就出左去，

跟住跟個miss去課室，係我tutor個miss，

我係到驚，驚我聽錯左，跟錯miss，

因為時間表個寫住個課室同個miss都唔係佢，

同埋另一個miss話佢會教我，但係只有坐係到，

睇下有冇事就知，成個班得3個男同學(包括我)，

坐埋一齊，好彩d男仔都係識既，

如果唔係冇人幫我，

跟住miss派左d關於credits既form要我地填，

因為我唔知要做咩，所以係到查字典，點知落堂，

跟住搵個呀sir問左搞點，

第2堂grephics，因為我係第1次上堂，

所以唔知課室係邊，遲左到，

個呀sir話要一個bag+工具，好貴，

好彩mizuki今年唔上graphics，

佢上年果個就比左我，跟住成堂係到畫3D，正！

第3堂maths，見到個老師姓mk，

初初以為係上年教我果個mr.mk，

點知見到個女人，原來係mr.mk個老婆mrs.mk，

第1次見，跟住比d數我地做，去圖書館借數書，

第4堂science，講chromosomes，唔係咁明，

第5堂art，畫初哥既畫，

放學番home張science既野查字典，

查完拎架搖控車出黎試，係草地到行唔到，真係衰！

今日開學日，所以提早起身，但係唔係咁夠，

番到去好見外，打左鐘個個都唔知要去邊，

係有d呀sir叫我地去hall先識去，宣佈一輪，

講下上年，講下新prefect，校長講講下，

坐係我隔隔黎既女同學電話響，全場靜曬，

跟住以校長話，叫佢即刻熄左佢，

之後番tutor點名，有d通告既物体要填，

派時間表，一陣之後搵個老師，

搵完去搵副校定時間表，好都人排隊搞，

我就黎整得既時，要我地去hall集，

歡迎新黎既year 9同埋jeff and mark，

因為今年year 9好多，所以禮堂唔夠位坐，

有d人要企係側面，我就企左一陣，

歡迎完繼續副校定時間表，因為ICT同art撞時間，

所以將ICT轉左做graphics，出左時間表，

要上art，但係上得半堂，去到art room o咀，

超多人lo，坐滿曬，我坐左一角，一陣就落堂，

lunch time個老師帶我,jeff & mark

落town既文具鋪買上堂要用既書簿，

呀mark買野拎曬d最貴，

中途撞到一個上年係我tutor既畢業生，

原個佢係果到打工，我個老師幫緊jeff同呀mark，

得我一個，個老師就叫左果個畢業生幫我搵齊果d書簿，

因為我家姐留左好多佢用淨既野比我，

所以唔洗點買野，買完番school，tutor點名，

見到d新黎既year 9，跟住上最尾果堂，

呀mark同我一齊上，因為呀sir去睇病，

所以成堂唔係到，我地就係到聽下歌上下網，

放學，jeff,mark黎我home上網。

2月1日:

今日朝早係home執行李，4點到出門口去機場，

去到check in完，因為要重新book位所以搞好耐，

去大家樂既物体飲野，飲完就入離境大堂，

入到去check身份証，跟住照x光，

然後去搵冇人駕駛列車，因為趕時間，

所以冇去廁所，答完列車搵個gate，

上到電梯，向左右望都冇我登機果個，

原來係電梯後面，驚死我，

跟住上機我同stef等到最後兩個上機，

拎埋最後果份報紙，上到機唔驚阻住人，

但係d位比人擺曬，好難先放到，

坐落個位，我坐側面果排，隔黎冇人坐，

我隔隔黎有一個唔識英文既香港人，

食飯叫餐我幫佢，飛機上面冇咩戲好睇，

但係又訓唔著，都唔知點好。

2月2日:

今次d飛機餐幾好食，到auckland，

落機行好遠入境，同stef一齊過，

然後拎行理，過海關，好順利，

但係到左內陸機check in就好唔點，行來行去，

最後行過去內陸機機場直接放d行李落個輸送帶到就得，

然後係到坐，見到擬似kazumasa既物体，

過一陣上機，一個鐘到，我homestay黎車我地，

番到home係到執野，好多野，

之後呀mark,jeff突然黎左，同佢一路傾，一路執。

今日晨早起身打麻雀，一番一蚊，

我拎左16蚊做本，初初狂輸，

之後慢慢開始食，跟住比我食鋪清一色，

每人8蚊，咁就贏番個本，

一生中既第一鋪清一色，

然後食雞糊...對對糊，

之後我大家姐唔知咩事係咁狂食雞糊，

連"冧"莊4次，不過最後我係大贏家，

總數45蚊，勁野，跟住去頌富飲茶，

食完番home再打麻雀，打左一陣係到執行李，

好多野執，dinner去大興食，

8安士既牛柳，好大舊，

食完番home剪頭髮。

今日約左黃政文,woody &喬1點半去銀座，

我地去KFC食，我比左佢地每人一張KFC 10蚊現金券，

當"利是"咁，我就拎兩張10蚊現金券再加10.8買餐，

一路食，一路傾埋d無聊野，

黃政文&喬係咁係到唱同播波兒首歌，

食完去左天水圍運動場影下相，坐下傾下，

跟住我黃政文&woody 就去我home打麻雀，

喬就番home，我地跟住叫肥希&洋3點半黎一齊打，

初初我同woody夾埋打，但係其實係我打，

跟住6點肥希走左，我同woody就分開打，

打到8點，我贏左11局，"冧"莊3次，勁呀！

今日多60蚊利事，總共620蚊。

今日9點幾出去青松睇牙科急症，

補牙同照X光，好快搞點，

跟住係健生行左陣，再去屯市影証件相，

然後食粥，果間野真係好好食，

食完行屯市，好累，自己番home。

今日成家去左馬鞍山同我呀爸媽既老師一齊食lunch，

初初睇餐牌覺得好貴，60幾蚊，

之後先知原來有半打田螺食，真係唔錯幾好食，

食完去慈雲山拜我呀公，拜完去柴灣墳場拜我呀麻，

因為人地收左工，墳場關左門，

不過我地照入去，成個場冇人，

得好多好大隻既烏鴉係到叫，

好似人地卡通片果d咁，第一次聽到烏雅叫，

於是我又扮雀仔叫，都有雀仔回應，

但係唔知係咪回應我，

拜完去小西灣我呀爺home食dinner。

我d利是有540蚊。