今日第1堂ICT，完成左個迷宮，

打字test既野，1分鐘得20隻英文字，

第2堂science去電腦室，做個project，

第3堂art無題，用鉛筆亂畫，

第4堂PE打棒球，我終於明白hk點解要男女分開上PE，

因為大部份既女仔都好XX，一d体育精神都冇，

都唔合群，搞到成日輸，

第5堂ESOL，教生字，

之後比番之前考果份卷我地睇，

閱讀卷79/100，聆聽卷20/20，

呀mark and jeff閱讀卷拎五十幾分，

mark 聆聽卷拎17/20，

之後比一個miss叫左去講d關於我homestay既問題，

傾左好耐。

今日有個琴日借左我支筆既同學搵番and還比我，

佢話佢個fd拎左冇話比佢知，

另一個琴日話左兩次會還比我果個同學話搵唔到，

我本來諗住叫佢賠錢，但係廢事，我下次唔會再借比佢。

今日第1堂english，做左個test定exam既野，

有3個同學問我借筆，得一個識自動還，

其他果2個要我跑出課室去追番支筆，

第2堂art，亂咁畫(無題)，

第3堂science，有3個又借筆，

有2個借筆既係之前果兩個，

其中一個話會一定會還番支筆比我，

點知到最後佢同另一個人影都唔見就走左，

教淨電，有個ball既野，你點佢d頭髮就升起，

不過我地主要用黎玩淨電，係到電人，

第4堂ESOL，做埋份試卷，我覺得幾好，

lunch同呀mark去追番兩支筆，

兩個都話唔見左我支筆，一支仲要係好似走珠筆，

佢地又再話會比番我，我睇埋聽日，

如果冇就賠錢，然後去左打ball，

第5堂maths，做ws，

話係year12做既(我year10)，但係唔覺有幾難，

放學一陣，有個international students 

and homestays既BBQ(西式)，開頭個呀sir幫我地燒緊，

我,mark,jeff,kazumasa,franky,brian

係隔黎個草場玩touch既rugby，

我成功幫我個隊(mark and franky)達陣好多次，

玩到成身汗，之後打左陣排球，

雖然佢地唔算好，但係都有打到幾球，

跟住食野，好食，飽死，

然後同kazumasa and mark踢ball，

有時跟下有時做下keeper，

好彩係草場，如果唔係個ball實花曬，

不過如果唔係草場我都唔拎出黎玩，

好彩我帶左個ball黎，如果唔係成班悶死。

今日我呀爸"生日"，仲有我一個同學in nz生日，

生日快樂!!

第1堂art，冇野做，傾計，

一個同學問我佢個名譯中文點讀，

教佢讀，都唔知讀到咩咁，

第2堂PE去草地打真正棒球，

又有果幾個廢既一堆，d人有要唔帶棒球手套，

又接唔到ball，乞人憎，

第3堂ESOL考試，我諗幾好，

第4堂maths考試，做得曬，應該唔錯，

係有d唔明，有d問題好似係我入學試個d題目見過，

lunch打ball，無啦啦有個女仔走埋黎話要同我影相，

無奈，最後拒絕左，

第5堂ICT整個迷宮既野。

今日好熱，所以開曬窗，d flies飛曬入黎，

用電蚊拍狂捉，20幾隻，

有一隻飛整，比我用斷左線既羽毛球拍，

分開左3節，無耐，

溫左陣書，聽日考試。

今日將d野執好放入紙皮箱，

冇咩野做睇下戲恐佈蜡像館，

唔算太恐佈，係變態姐，

又玩下電腦。

今日朝早tutor點名個時，

要我地抽係tutor其中一個人名，

抽到邊個就送一份5蚊既禮物比邊個，

但係唔可以以個人知道係邊個送，我本來抽到個女仔，

但係因為有個同學佢抽到自己，所以同我換左，

第1堂health，個miss要我地做個poster關於飲酒，

佢拎左d senior既作品比我地睇，講左半個幾鐘，

得番20分鐘比我地做，做得個初稿，

呀mark仲要遲到，都唔洗做，

第2堂english，調左去最後側果個位，

miss寫字又細，又要"料"wo，都唔知點睇，

小息又係ESOL房隔黎達空地到打ball，

因為kazumasa唔係到，所以自己人個人練跳起開ball，

都得得地，有個女仔見到要我唔知做咩，

好似話同佢組隊打ball，不過我都唔知佢識唔識打，

第3堂maths，個miss冇番，搵個音樂miss代課，

但係個miss d maths又唔係咁好，

佢比d題目我地做，要我地解番比佢聽，

之後要我地做ws，好彩之前係home做完，

唔洗做，個miss係咁同人講野，搞到d人都唔係計數，

第4堂ICT，冇野做，上下網，

lunch同d kiwi鬥左陣ball，因為太熱所以冇打，

第5堂science，去電腦室做一個關於nz螢火洞既野，

放學落town，超多野要回收，

拎好多個袋裝，回收完去行百貨超市，

買左個4個幾既野比我tutor個同學，

行左好耐，番到homestef同我2家姐已經食完飯，

我即刻狂食狂食，追番個進度。

今日番學冇行錯門口，幾好!

第1堂science，教電流個d，

終於science有d野我係識嫁啦，

隔黎間science房，有呀jeff個班既year9上堂，

佢地又係教電流個d，仲整左個電路既野，要我地去睇，

第2堂ESOL，教生字，

小息係ESOL房隔黎個空地到，

同kazumasa打左陣排球，都幾好，

但係跳起開ball就唔得，

第3堂ICT，畫個野，

第4堂english，分組活動，電影分析，

lunch又同番琴日班kiwi鬥ball，

第5堂art，畫左個渣古。

maybo生日快樂，13定14歲?好似13，

因為hall要考試，所以封左近hall個門口，

我平時番學都係用果個，今日番學行慣左，

行左去果個門口，見到封左，

要行第2對門，比人見到，好"魚"，

第1堂maths，做果d機會率既數，開始明白，

第2堂ICT，畫個渣古(高達)，

d老師同學見到話我"太神奇"，

第3堂english，睇埋淨番果d The Matrix，

之後叫我地寫睇完套戲知道d咩，

仲叫我讀我寫果個出黎，講真，

中文都唔明英文點明，落堂個時，

miss問我明唔明要做咩，講一大輪野，

搞到我遲左去下1堂個課室，

第4堂art，畫個CD封面，大概完成，

lunch籃球同班kiwi 4打4比賽，好好玩，

雖然我地入既波多過佢地，但係唔代表我地勁，

係佢地射得差，但係我地都知道左我地防守太"屎"，

佢地可能打慣rugby，有默契，

同埋有d rugby既花式都用到籃球上，

第5堂PE，打板球，4個最廢既女仔都係我地果隊到，

唉真係.......，實左係太慘!

第1堂ICT，要畫一個遊戲既character，

畫左個人，d老師同學好驚訝咁!

第2堂science，解剖豬肺同豬心，好鬼重，

第3堂art，設計cd封面

第4堂PE，因為有d人去左camp，好多人唔係到，

所以玩板球，都幾好玩，

不過又係有人企係到得把聲，乞人爭，

lunch打籃球，因我我隻手指未好番，

所以就坐埋一邊睇jeff,kazumasa and mark鬥ball，

不過都有時入去玩下，

第5堂ESOL，講下個星期考ESOL會考咩，

呀sir又話year10可能唔洗考science，正呀!!

今日senior考試，學校靜到死，淨番year9 and 10，

第1堂english，22世紀殺人網絡睇到最精彩既部份，

第2堂art，完成左我個幅毛利畫，下堂設計cd封面，

第3堂science，開到睇youtube，

教解剖豬肺同豬心，之後睇關於雪崩，

第4堂ESOL，教生字，

lunch落雨，所以冇得打ball，

第5堂maths，又係做番個d機會率，

放學自己一個番，好耐未試過。