今日有house meeting，係hall到搞，

選社長，d人推舉幾個人黎比我地揀，

第1堂sciecne，要我地高至排矮，

我都算中等，然後由膚深淺色排，

深色果邊到，跟住講關於我地果d關我地d基因事....，

之後比個表我地填，唔知咩黎，

跟你d身体特徵，頭髮色，眼珠色，直曲髮......，

跟住呢d野搵個號碼，我就係唔知97/98，

第2堂maths，做數，

第3堂ESOL，教生字，

中途有個越南人同個agent入黎視察我地點上堂，

仲影相錄影，

第4堂art，做報告，

lunch投票比選社長，我tutor入邊有個參選，

跟住佢問我係咪投佢，但係我冇投到佢，

唔當住佢面話冇投佢咩，所以我就話投左佢，

佢即刻就講yes，佢dd反應咁，如果講冇投咪死，

第5堂english，派番上次寫果封信比我地，

然後去圖書館既電腦到打出黎，然後save左佢，

放學落town，睇ball針，有大頭同細頭，

2蚊一支，聽到o左咀，係hk5蚊都有3支，

呢到要成港幣10蚊一支，最後都冇買到！

今日第1堂science，兩個人一組，

miss一路講，我地要跟住畫個細胞複製既圖，

但係有兩種唔同既細胞複製，所以唔知點畫，

同埋教左冇幾耐，唔係咁熟，

最後28分人邊拎到15分，好彩係個練習黎姐，

第2堂art，又係做報告，

第3堂ESOL，教生字同，做生字test，

第4堂english，寫封信比一個uncle果d人，

話想係佢home到住下咁，好怪姐，

無啦啦話去人home到住，你話打電話都好d，

寫信....，外國文化就有中國文化就好似未見過，

同埋d地址都唔知點寫，第

5堂graphics，終於正識畫script holder既設計圖，

真係好，終於有得畫野，臨放學時，

我地班有個女同學唔知咩事暈左，

隔左陣先有反應，放學見冇工課，

玩左陣電腦，食完飯練打籃球，練左手拍ball！

今日第1堂art，做番上次果d報告，左抄右抄，

第2堂ESOL，幫手執ESOL出面果個房，

話會拆左果個門佢，跟住教生字，

第3堂english要寫求職信，

有幾份工比我地"簡"，番home做，

第4堂graphics，個呀sir又冇番，

要我地完成果個報告，我就畫左個設計圖，

lunch去打籃球，要練好籃球，

第5堂maths，做d要邏輯思考既數，

真係好，好耐未做過呢d數，

放學帶番我個籃球番home，

要練好d籃球，一路打一路行番home，

夜晚mizuki黎左，帶埋隻狗黎，

我就玩我嫁搖控車，隻狗好似好驚我個搖控車咁！

今日第1堂ESOL，做ws，

第2堂english，睇書，

跟住派番上次果個閱讀報告，

唔知成績幾多，我諗都ok，

然後下半堂去hall集會，

第3堂graphics，呀sir冇番，

冇交帶要做咩，冇野做，

用電腦上網，出唔到中文，所以坐係到，

第4堂maths，做數，

第5堂science，講複製細胞，

放學同我大家姐,jeff,mark落town，

夜晚mizuki黎左我home搵stef，

帶埋隻狗黎，跟住唔知點解放佢入stef間房，

然後我去睇下，佢係到吠，

佢地諗住帶佢出屋，一開房門沖左出黎，

我驚佢走入我間房，所以追住佢，

點知佢跳起，佢個嘴撞到我塊面，

好多口水，佢又再走我即刻"禁"低佢落地，

佢即刻反肚，我就係"ao"佢個肚，

佢好enjoy咁，好彩我homestay要隻狗留係屋外，

如果唔係我有排"ao"！

今日我兩個家姐番黎nz，

我大家姐就黎我homestay到住幾日，

第1堂english，去圖書館先，

但係我之前借果本書未睇完，

所以要續借，跟住番課室，

因為上堂有好多人唔係到，

所以要教番上堂d野，然後仲發然好多蟋蟀，

第2堂graphics，

之前係home搵左d圖片放左落"手指"到，

今堂有用，擺落個報告到，

第3堂maths，因為上堂好多人唔係到，

miss要再教多次上次d野，

第4堂science，教細胞複製，

miss問左一個問題，

跟住隔左30秒到問番我地果個問題係咩，

跟住成半班都唔就答，比人罰企，好搞笑，

好彩miss冇問我，我諗佢都知我唔識答，

第5堂art，又講另一個作品，

我今日先做完第1份，真係搵黎搞。

今日同mark一齊上church，本來jeff都黎，

但係好似話唔舒服黎唔到，去到冇耐聽佢地唱歌，

然後我比左5蚊個教會，我成日黎聽歌咪當入場費lo，

然後要分開，成人,青年同小朋友，

有唔同既活動，我地唔知講咩，

好似話下次集會要做地野，

演講呀，唱詩歌咁，好彩我同mark唔洗做，

去完church就同mARK 去warehouse買籃球，

佢入左籃球隊，所以佢homestay送左個籃球比佢，

之後去newworld買野，

佢homestay比佢"簡"要咩野食，

milk,bread,ham....，好多都係mark"簡"，

真係正！買完野佢homestay車我番home，

係home玩電腦，做功課。

今日天氣好唔穩定，朝早有太陽，

跟住多雲冇風，好似就黎打風咁，

食完lunch去kazumasa屋企門口等佢，

然後一齊行去jeff home，去到佢home見冇落雨，

叫mark番叫home拎個足球黎，

我同kazumasa都跟埋去，

今日一次過去曬佢地home，原來隔個草地就到，

就睇睇個草地唔係咁大，但係行過去草地都幾遠，

拎完ball之後，我地4子就係到跟ball，

第一次係草地踢足球，感覺唔同d，

間唔時"橙"下人，踢踢下落雨，

然後番jeff home睇戲，地球停轉日，

好彩之前冇睇到，如果唔係重睇就唔好，

睇完再去踢ball，達草地好濕，

整到成隻鞋都濕曬，冇幾耐又落雨，

所以番jeff home玩層層疊，玩到5點半番home。

今日第1堂graphics，

用電腦搜尋有關script holder，

野知部腦hand左，reset幾次都唔得，

結果成堂冇做過野，

第2堂maths做數，有d問題唔係幾明，

小息去到ESOL房，stef,mizuki係到捉蟋蟀，

跟住捉到一隻，放係個鐵罐人邊，

然後見到另外一隻，個鐵罐入邊裝左隻，

如果拎個罐捉另外一隻可能一邊果隻會走，

所以我就拎左個空既紙巾盒，

因為拎紙巾果個位有個窿好細，

你入左去好難出黎，所以我地用紙巾盒捉左另一隻先，

佢地又走唔到，我地又睇到佢，

跟住出去"操場"出面睇，超多飛蛾屍体積左係個渠到，

真係屍橫遍野，又有好多爬左係個牆到，

又有d蟋蟀係到，唔知係咪因為落雨同就轉季，

所以走曬去黎，我都係第1次見蟋蟀同咁多飛蛾，

跟住唔小心踏左落d蟋蟀到，爆左d白色既糕出黎，

第3堂sciecne，分組討論，冇咩點討論，

然後聽miss講書，

第4堂art，派第2份功課比我地做，

我第一份都未完成，佢就要我地做第2份，

又唔可以拎番home做，想點！

lunch因為落雨，所以ESOL房係到練籃球，

第5堂ESOL教生字，

放學之後放生左果兩隻蟋蟀，

一開個盒慢慢爬出黎走左，一隻就飛走左，

放生完就同jeff落town，買左包薯片，

同埋同jeff夾份買2排chocolate，會平d，

之後去左間食類似中國野既鋪到等我homestay，

其問jeff都買左盒飯黎食，

無幾耐我homstay黎到，買左個盒，

跟住好似自助餐咁夾野落你個盒到，

裝到幾到夾幾多，我夾少左，真係衰，

jeff食完佢果盒就走左，我就番home食飯，

好味，好耐未食過呢d野。

有一個同學話如果佢食蟋蟀佢老師就比20蚊佢，

個老師就話好，跟住佢同學即刻拎左隻蟋蟀入口食左，

但係個老師冇咁現金，所以下星期先比！

今日朝日tutor時間約左個科學老師問野，

野知唔係到，鬥日仲話約我，我今朝番學都見到佢，

第1堂maths，教果d唔知咩收加1要點計果d咁既數，

第2堂science，代課老師上，佢比錯野我地做，

咁都得，我跟住借左本書番去查，

第3堂art，做琴日果個功課既野，

都唔知要做咩，有d字係maori，唔知咩黎，

第4堂ESOL，拎art d野去問我呀sir，

但係佢都唔知係咩，所以我地去左圖書館搵字典查，

點知冇，跟住有人叫我地去教maori既課室到問，

去到借左本字典番ESOL房查，

用字典將maori轉english，

跟住拎電子辭典將english轉chinese，

查完對番琴日做既野既答案，

lunch去打籃球，曬死，同班kiwi鬥ball，

我搶ball好勁，但係同一個超高既kiwi搶ball，

差佢成個幾頭，搶唔到仲要"魚"爆，

第5堂english，教寫信，

比個powerpoint我地睇，

然後抄番d重點落去，成班靜到死，

你抄慢少少，個miss會等你，

但係佢望住你，跟住成班就會跟住望，d壓力就.....，

所以簡抄算，今日要交果篇閱讀隨筆，

好彩琴晚做左d，原來今日要交，即刻寫埋個總結佢交。

琴日興奮得際，今日番學好似放完假岩岩番學咁，

今日便服日，我,mark,jeff,kazumasa，

A4組合，今日我地4子都著得好鬼型，jeff仲化埋妝，

第1堂science，要畫mindmap，

跟住張ws都畫都d野出黎，

跟住逐個叫出去睇番上次份test，

我都岩大部份，個miss比我地改，

有d我本來寫岩，但係我唔肯，

所以擦膠擦左，拎achievement，

都唔知算好定唔好，

第2堂art講果個功課，淨係可以上堂做，

跟住有個同學問佢個名中文點寫，

跟住我果班有一個係nbc，但係唔識中文，

係到比人話佢點點點，真係慘，小息時候，

jeff話佢比人打，詳:jeff行行下，

有個毛利人就從後搞呀jeff個頭，比呀jeff捉住，

點知唔知點解毛啦啦伸一拳去呀jeff塊面到，

呀jeff就打番佢，然後個毛利人就再相打jeff一拳，

但係呀jeff就避開左，跟住有個呀sir經過見到，

果個毛利人就走左唔知去邊，係打鬥既過程，

呀jeff就唔見左佢果隻耳環，幾令嫁，

呀mark又唔見左jeff借比佢帶隻，

之後我地4子就地毯式搜查，一路食包，

一路好似PTU咁，排成一條line咁搵，但係都搵唔到，

第3堂ESOL，講番之前比我地睇果篇文，

做ws，中途呀jeff比人叫左出見副校，

話搵到果個人，去講果經過比個副校聽，最後和解冇事，

第4堂english，有個同學見到jeff既打鬥，

所以又係到問我，然後成堂寫閱讀隨筆果d野，

我都寫到幾多野(對我黎講)，好有成功感，

lunch我地4子見著得咁型就係school到曬下，

周圍行，行到邊都有人望住，好似名星咁，

第5堂graphics講果d功課，話整個script holder，

放學jeff,mark落town，黎我home借廁所，

傾左一陣，佢地先落town。