今日第1堂graphics，

呀sir話我地個child's playhouse好唔掂，

幾個鐘改得兩份，不過佢未改到我果份，

所以我唔知我點，之後遲d做果個功課要用電腦做，

都唔知點好，我一d都唔識，

第2堂maths，有個見習老師教，

教一d超耐未做過既野，有d都唔記得，

第3堂science，教我地寫實驗報告，

原來同我上次考試做果d一樣，

第4堂art，畫我個畫板，

有個'新"同學黎左我果班，我好多班都見到佢，

miss叫我比佢睇下我個畫板，等佢知道點做，

lunch同kazu, jeff打排球，

點知有個成日煩我既女仔又跟住黎，

所以走左去睇社際低年級男排，真係廢到死，

我個社個d高層都冇眼睇，最後睇左dd就走左，

第5堂ESOL，教生字，

之後對住我果班試做一次speech，唔係咁驚，

可能因為好熟，同埋冇女仔係到=.="！

印度果個arush話佢下星期6就要搬去第2個town，

所以可能再見唔到，所以我同佢交換電話號碼同email，

遲d得自己一個放學，真係有d空虛。

今日第1堂maths，做test，我之前背果d英文咩角咩角，

今次用曬出黎，做test既時候，

因為我病病地，有d咳，

但係因為test緊，好靜，廢事咁樣咳，

係到狂飲水，真係好彩好帶水，

第2堂science，教寫實驗變數果d，

第3堂art，畫我個畫板，

我諗成班得我一個跟得上進度，

之前狂做，所以依家慢慢黎都得，

第4堂ESOL，要我地寫d問題，之後互問互答，

lunch有高年級男子排球賽，

呢次可以話係我既第1次實戰，

雖然我係第1次，但係佢地好廢，

所以唔洗咁驚，今次我同kazu一齊去參加，

我隊有10個人，大家輪住玩，

我有一球set失左，一球set比人殺ball，仲得分添，

一球飛身球ball，擦損左"失頭哥"，

一球網前"殺"ball，但係唔係好大力，

我另外有一球殺ball太大力，所以出界，

但係好彩人地果隊犯規先，所以冇事，

今次真係一次好正既經驗，

第5堂english，英文術語查字典。

今日第1堂science，做個實驗果d野，

大部份時間係到玩做實驗果個野，

第2堂art，上左一陣堂之後去hall集會，

依然坐係面，不過調左左右

第3堂ESOL，教生字，

第4堂english，有一d術語，

要我地查字典，其他同學就用書果d，

我就用我部電子字典，幾正！

lunch有高年級女子排球賽，勁廢lo佢地，

係到亂打，聽日到我，唔知會係點，

第5堂graphics，畫3D圖。

 6個月8日in nz 2009

今日朝早寫我個speech，將佢打落電腦到，

之後食完lunch，就做art畫版，

之前有兩幅未完成既都搞點，

跟住再畫一幅，15分鐘到搞點，

中途我homestay既爸媽黎左，

我完成曬呢個星期定既目標，

然後開始上網同睇戲。

6個月9日in nz 2009

今日第1堂art，因為我home d 顏料用得7788，

所以我帶左個枝空既顏料番去，

之後將學校果d整入去，填滿番枝野，

第2堂ESOL，做閱讀理解，

第3堂english，抽"纖"定幾時做speech，由星期5開始，

我下星期一第2堂最尾果個做，

第4堂graphics，畫3D野，

第5堂maths，做個練習，今次用到之前背果d英文既式，

但係仲有d新既未背曬。

今日朝早同stef去左我舊homestay個生日會到，

初初去到坐係到，之後我homestay個孫話想同我地玩，

所以我地就陪佢玩，係到玩佢，

我周圍"lay"，等佢搵唔到我，之後因為我地有約，

所以走先，番到home同我homesaty玩Xbox，

玩之前我係電腦玩果個left 4 dead，

超正lo，又冇疾機，又可以兩個人玩，

跟住mizuki, jeff同kazu黎左，

stef話想睇戲，所以我就做左陣功課，

又同我homesaty講下電腦果d野，

佢講比我聽佢果d程式有咩用，

佢講完後就set Xbox，我同jeff玩left 4 dead，

跟住食飯時又睇戲。

今日第1堂ESOL，發現唔見左舊大擦膠，

我諗應該琴日最後一堂-art"流"左，

本來諗住搵唔番，我呀sir幫我去art room搵，

點知真係比佢搵到，

第2堂english，睇張poster，之後寫閱讀報告，

第3堂graphics，呀sir唔係到，要畫3D字，

第4堂maths，做練習，之後玩遊戲，

第5堂唔洗上，可以放學，

jeff,kazu,mizuki黎左我地到，

玩Xbox睇戲，今日睇左勁多套戲。

6個月4日in nz 2009

今日第1堂graphics，做child’s playhouse 既最後一日，

今日要交，但係我唔肯定仲有冇野要做，

所以等人交左先，之後睇下我有冇做少左野，

第2堂maths，我係到背果d內錯角,對頂角既英文，

第3堂science，教用d graph，跟住做練習，

第4堂art，做畫板，

第5堂ESOL，教生字同做生字test，

放學番home執野，因為我要轉homestay兩個星期，

我男homestay車我同stef去我地新homestay，

去到見到同我地上次去果時超唔同，上次去勁亂，

今次去到好整齊，冇左d臭味，

去到初初執我地野，冇幾耐食dinner，

食雞同麵，d雞好ok，d麵就冇咩味，

佢地坐係疏化到食，放張細table，

我就坐係餐table到食，

食完之後我男homestay帶我去睇佢個電腦d野，

初時睇佢有咩戲，有d戲幾好睇遲d要問佢拎，

跟住佢又講佢有咩歌同埋用咩網down野，

佢部電腦真係勁多野，

佢一個file既GB數都多過我部腦，

我個喇巴超正，感覺到成間房係到震，

佢地用無線上網，但係我部電腦個無線壞左，

所以聽日要去我舊homestay到拎番條上網線，

我覺得呢到真係好正！

6個月5日in nz 2009

今日第1堂english，派番我之前交果個二次大戰既報告，

拎NA，佢話我唔夠note，用電腦整點會寫note嫁，

跟住又話我係書搵資料唔夠，我係假期做，

去唔到學校圖書館借書，不過另一個都pass到，

有4個credits，

第2堂graphics，畫3D文字，

同之後既功課有關，child's playhouse有多過半班人冇外，

第3堂maths，繼續背果d咩角果d英文，

第4堂science，教"力"，

lunch同其他international students係到睇台劇，

第5堂art，做畫板，

放學番去我舊homestay拎我條上網線，

之後番home，係到周圍睇，佢d貓好得意，

今晚係到睇我homestay戲，睇到好夜。

今日第1堂maths，做數，

第2堂science，講速率果d，

之後下半堂去hall集會，有個歡迎儀式，

今年d新生都幾多，一開始haka歡迎，

因為今次搵左rugby隊黎表演，所以風勢勁好多，

同埋d動作同平時果d唔同，好好睇，

第3堂art，miss係咁講廢話，

搞到我d做野既時間少左，

之後又要我地lunch/放學番黎做，真係麻鬼煩，

第4堂ESOL，教讀音果d，

第5堂english，睇stage challenge既片，

即係我學校去音樂劇比賽d片段，

都唔知講咩，跟住要我地寫果"閱讀"報告，

都唔知點寫，最後亂吹水！

今日第1堂science，miss冇番，

所以淨係做練習，

第2堂art，整另一塊畫板，

第3堂ESOL，教生字，

第4堂english，小組討論，

今次d文章都唔知佢講咩，所以好難講到野，

不過最後都pass左，拎到2個credits，

第5堂graphics呀sir冇番，繼續做playhouse，

唔知有咩可以再做。

今日朝早睇完戲做功課，跟住jeff黎左，

比佢睇我今朝睇果套戲，

之後同佢去我新homestay果度出面睇下，

點知咁岩我新homestay番home，

所以見到我地，去完之後就去一個越野單車場，

跟住d賽道行，幾好玩，跟住去左個公園到玩千秋，

但係因為個千秋下面有個勁大水沊，

所以我地搵側邊d石仔填平佢，然後就玩千秋，

跟住我又帶jeff去david homestay到睇下，

今日撞到勁多同學！