今日第1堂english，去圖書館做research果d，
不過我假期時做曬咁濟，所以淨係print出黎就得，
第2堂graphics，畫左少少，之後去hall集會，
第3堂maths，做test，hk小學都識做既test，
成日以為係咪真係咁簡單，
因為hk果d好有深度，呢到d淺到死，
成日都驚表面係淺其實入邊好"kick"手，陰你果d數，
第4堂science，教ethene....果d，
lunch我地A5去鬥ball，新黎果個-David，
佢真係唔識打ball，隻手成日"腩"住我，
真係唔識打ball得太離普，
第5堂art，要我地將假期畫果d畫貼係塊版到，
全班做得最多果個係我，
因為我唔知幾時交，所以做多d。
今日第1堂graphics，繼續畫圖，
第2堂maths，做d小學做既數，無心情做，
小息見到新黎果個中國男仔，
姓黎，英文名未知點串，15歲，講廣東話，
運動唔多識，打電玩多，
初初冇咩野同佢傾，係到問佢野，
我諗住問佢講廣東話定普通話，
但係無啦啦咁問好似好怪，
所以我問佢識唔識講中文先，
點知其他人係到狂笑，搞到我勁無奈囉，
佢地又唔問，我問佢地又係到比意見，麻鬼煩！
第3堂science，教methane,ethane果d，
第4堂art，整個底版，遲d貼我地d畫上去，
lunch同新黎果個and jeff,kazu打籃球，
好耐未打過籃球lu，
第5堂ESOL，講下假期做咩，講下d英文果d野，
呀sir話因為之前負責環保果d野個老師走左，
所以話想搵我代佢個位，無奈！
琴晚勁大風，可能有hk既10號風球，
吹到化化聲，嘈到死，訓都訓唔到，
今日jeff同kazu黎左，初初教佢地玩cs，
唔係太掂，之後玩飛碟，
其實係隻普通既膠碟，
點知大風到吹左上屋頂，冇得玩，
所以就玩"pair" 牌，
聽日要番學lu，真係唔想番！
今日本來去jeff到，
點知stef話去我地新homestay到睇，
去到新homestay，都算大，
個花園大過我地依家住緊呢個，
個男homestay係毛利人，所以有d驚，
我到依家仲未記到佢地個名，
佢地有4隻貓,2隻兔仔,1隻羊，
個男homestay好中意睇戲，
所以有部勁大既電視，仲有X-box，
佢又中意用電腦，佢有成幾百套戲係個電腦到，
之後佢有成800幾GB，都話唔夠，
真係好誇張，坐左係果到1個幾鐘，之後番home。
今日係home雕刻，之後落town，
再去左kazu home坐陣，
夜晚搞下facebook，因為好耐冇搞過。
今日係home，初初就雕刻，
好耐冇雕過，跟住做art 功課，
做左2份，做做下kazu同jeff黎左，
之後玩番前日去wellington時玩果個card game，
類似接龍咁。
琴晚9點訓，訓到12點訓唔著，
所以起身搵野做，搞到5點出門口，
international students 既活動，
坐車去palmy火車站，個天都未光，
見到勁多星星，之後搭火車去wellingon，
大概3個鐘，好彩我帶左"pair"牌同UNO，
可以係火車上面玩，如果唔係就悶死，
除左我地international students同個老師and個校長，
又有其他人跟埋黎，係個老師個friend既家人，
有d中年同老年人士同一個少女，
去到wellington落雨，真係衰，
初初要跟隊去m記食野，不過我冇食，
之後要去Tepapa，我上上個星期5 art trip先去完，
而家又去多次，之後我約左我家姐，
我地有d野交收，由於佢趕住去上堂，
時間地點都就唔到我，
所以我靜雞雞咁由Tepapa到走左出黎同我家姐交收，
好彩冇人發現，去完Tepapa，
自由時間，初初係到行街，
但係因為唔識行同落雨既關係，
所以走左入個商場，我地A4係到傾下計，
傾左好耐，等到我家姐上完堂，
佢帶我地去食野，食撈面同羊腩煲，好正，
食完之後再行下，我家姐帶我地去一間鋪到睇，
超多果d軍事用品，之後行左好耐，
番番去集合，之後去火車站搭火車，
我地狂玩"pair"牌，到左palmy都唔知，
之後係palmy食dinner，再番home。
今日係home做art功課，
完成左3幅畫，仲有7幅要做.....
今日睇左兩套戲，
之後見我homestay係個花園果到洗地，
我又出去睇，初初就睇，之後幫佢手，
佢用高壓水槍，我用掃把擦地，
洗完我就做我d art既功課，
做做下呀jeff黎左，果時已經5點幾，
佢黎叫我比d戲佢.......
今日去左jeff home到，
初初就玩佢比我果個遊戲，
之後kazu黎左就冇玩，
跟住jeff要幫佢homestay睇住個BB，
所以有BB玩，之後去"才定"棒球，
真係好想買支棒打棒球。
