今日第1堂art，做我個畫板，

我果舊由小學開始用既擦膠，

今日比我終結左佢既使命，

佢經歷過沙士同金融海嘯，

我記得細個有一次同我大家姐鬧交，

一時太嬲，就拎起呢個擦膠"才定"去我家姐到，

第2堂ESOL，教生字同，

第3堂english，小組討論，

要讀篇故事先，之後討論條問題，

我同我果組輪住讀篇故事，之後再討論，

但係因為我唔知講咩好，同埋太慢，

比人講左想講果d，但係又唔想唔講野，

所以就搶住讀d問題出黎，

又提人繼續讀篇故事，扮講野！

第4堂graphics，畫左間playhouse既側,前,頂既平面圖，

lunch A5鬥波，真係好少可咁齊人打波，

由於人多既關係，節奏變得好快，

跑黎跑去，跑到索曬氣，

玩半場都好似玩全場咁，我今日入左勁多球-5,6球到，

第5堂maths，教圓圈入邊果d angle，

都有d未學，所以都有少少興趣，

放學同mark落town，講起同上年果班有幾開心，

因為mark(佢year10)有一堂year11 english堂，

係同我地上年果班同學一齊上，

落到town我買左5蚊3枝1.5L既可樂黎飲，因為想飲....

又買左一排舊包裝既吉百利朱古力，果到得兩隻味，

我買果隻多人買d，我買左果隻味既最後一排，哈!

今日食完dinner後甩左隻牙！

今日第1堂ESOL，做練習，

第2堂english，小組討論，我覺得有d唔公平，

因為我英文唔多好，咁自然講就唔多啦，

第3堂graphics，問左呀sir scale果d野，

同我計出黎一樣，

第4堂maths，教比例果d，

lunch同jeff, david, kazu打籃球，

玩O.U.T，jeff排係我前面，

佢係罰球線單手射ball入左，

我要跟佢同一個方法射入，

如果唔係就一獲，點知比我射入到，

佢狂用咁既方法射入，但係我都入到，

起碼都有4,5次，最後尾2果個out，

jeff贏左(佢得O)，第2鋪kazu好快輸左，

我有一球雙手射入(我特登用雙手,因為jeff)，

排我後面既david都射入左，

jeff因為雙手射波射得唔好，所以1獲(O)，

之後jeff有球air左，所以2獲(U)，

之後david一次雙手射入，j

jeff都射唔入，3獲(T)，

但係我比jeff既一球籃底鉤手擦板射波整到我out，

淨番david(U)同jeff(T)，

最後jeff贏左，真係好唔底，差少少就整死jeff，

第5堂science，教速率果d，教畫graph。

今日繼續上photography班，

番到去上堂先發現相機鏡頭蓋留左係home，

可能要下年先還得番，

初初學點樣係相機入邊卷番埋d菲林，

之後分組，2人一組12人一隊，分左兩隊，

初初係有光既環境到學點樣將卷菲林卷到去一個輪到，

之後係暗房到試，但係都仲有少少光，

我仲可以睇到野，試完之後黎個真正既，

我地去到一間唔開燈既房到，伸手不見5指，

黑到咩都睇唔到，我地將d菲林由個菲林筒到拉出黎，

之後卷入去個輪到，全程真係好似盲左咁，

係到周圍摸，卷完之後將個輪放入個大筒到，

1組一個大筒，我諗我組最快卷完，

卷完後係到整人，但係人地又睇唔到我，哈，

之後我隊整完就等下一隊搞，下一隊搞完後，

就要倒d chemical落去個裝菲林既個大筒到，

浸完一種到第2種，轉3次，

跟住放落d水到，洗乾淨d chemical，

洗完之後就見到我影d野，將d菲林6格相一行咁剪，

放落去個膠袋到保護住，我可能成日都手震，

頭7張蒙左，之後有d又唔識搞光，

所以就白"sai" "sai"，我地放好曬入膠袋後就去曬相，

同菲林果d 1比1咁大，現場熄曬燈，淨係開左d紅燈，

首先我地將d菲林放係一個特別既燈下面照，

下面放張相紙，之後放落去唔同既chemical到浸，

第1種2分鐘，張相紙開始會出現顏色(黑色)，

第2種30秒，第3種3分鐘，浸完放埋一齊，

跟住會放落個機到沖水10分鐘，沖入d chemical，

沖完放去個乾相機到整乾佢，

曬左出黎好多都黑蚊蚊，

有d搞到光果d相就手震左，冇手震果d相就黑蚊蚊，

無奈.....得一幅係完美，

跟住選一幅最好既去放大同去試色，

係特別燈果到搞深淺色，個燈照得張相紙越耐，

曬出黎就會越深色，做呢個就係試下照幾耐隻色先好睇，

佢會搵d野遮住個燈照落幅相到，

每5秒移一次位，冇照到既地方曬出黎會淺色d，

照完燈又係浸chemical，又係果d程序，

之後選好要照幾耐後，就正式咁放大果幅相，

我照10秒，曬左出黎超令，

之後第2隊去曬相，所以我地冇野做，

係到食野，第2隊曬完後就做張問卷，跟住就走得！

我菲林d相(用photoimpact執過)

我渣相機既相

呢張就係我放大果張相

今日我上一個photography班，

所以唔洗上正式既堂，我地係art room 上堂，

我係第1個去到，開始上堂，

我地初初睇教我地果個呀sir 影d果相，

佢地過南亞果到影相，有d有故事，

好好笑，講完佢d相就講點用部菲林相機，

佢用好多部借比我地，部機好多制，

真係好複習，初初唔知有冇菲林，

所以唔咁亂禁制，好耐未用過菲林機，

講完呢d又講下d影相技考，

之後有個lunch，比我地出去影相，

我跟住d同學，佢地去墳場到影=.="，

我影下影下，影左勁多，

之後又去左公園同火車軌到影，幾好玩，

第1次用菲林機影咁多野，影完之後番school，

繼續講影相技考，原來今日同聽日用同一筒菲林，

但係我今日已經淨得3張可以影，真係!@#&%$。

今日tutor點名既時候，副校入黎check校服，

有個同學條tie打得唔好，

之後副校要果個同學學佢咁打tie，

又話佢係sample，跟住個同學就話個sample of髮型呀，

因為副校係光頭，超搞笑，

第1堂maths，做angle果d，

第2堂science講physics，時間速度同速率，

要我地做個試驗果d，

第3堂art，用顏色筆畫我幅畫，

第4堂ESOL，教生字，

lunch同jeff, kazu, david去打籃球，

david幅眼鏡比一個毛利人射波再反彈時整爛左，

第5堂english，諗我地個speech講d咩，

我諗住講點整0 T，其實nz有冇呢樣野既呢?

今日本來想做功課，但係jeff同kazu黎左，

所以未做得住，我地玩飛飛碟，

之前因為太大風，吹左上屋頂，

但係之後比我係花園到搵番，今日再玩，

比jeff飛左上屋頂，但係今次呢個屋頂係平，

可以排梯上去拎，

要等我homestay洗煙通既時候先上得去拎.....

今日去左jeff home，初初係到睇戲，

睇完之後食d野，jeff homstay整左d柬甫寨式既雞，

超好食，狂偷食，呢真係偷雞，

我homesstay果d雞淨係識得焗，

搞到乾真真，食左得如冇食，

之後食完野飲左杯可樂，

係jeff homestay果d，佢地有勁多汽水，

因為佢homestay係new world(超市)做，

所以成日有得拎，好耐未飲過汽水，

平時我homestay都唔買，

買左都係比佢地自己飲，

無幾耐kazu黎左，去左玩棒球，我接ball準左。

今日第1堂science，做test關於methane,methene果d，

都識做d，之後講physicsd野，話就黎會黎physics，

第2堂art，修改我幅畫，

第3堂ESOL，教生字，

第4堂english，去左影international students既合相，

之後番去上堂，講speech果d野，

第5堂graphics，畫playhouse，

我d同學成日係到放屁，勁無奈lo，之前都試過嫁la！

放學同mark,david落town，帶david去行下，

我去到warehouse(超市)，見到有吉百利朱古力賣，

係舊包裝果種，已經淨番好少係市面上，

舊果d比新包裝多50g，平過新包裝果d少少-$3.29，

但係唔係特價，但係因為多50g同埋又唔係比平時貴幾多，

所以買左兩排，點知我比錢既時候，

睇番張單，發覺原來5蚊2排，

但係個價錢係for新包裝果d，

唔知係收銀搞錯定係真係咁賣呢，

總之執到平貨超開心，

行完之後去左david homestay睇，

但係冇入去，淨係出面睇。

今日第1堂art，做我個畫版，修改之前畫左果d，

第2堂ESOL，做練習，

第3堂english，教我地做speech要點，

同埋睇左一d人地做speech既影片，

題目係how to......，教人做一樣野，

用最少3分鐘，唔知我做咩題目好，

教講廣東話,教整檸檬茶....

第4堂graphics，做我個圖，

第5堂maths，派番之前做果兩似卷，

拎merit，之後教angle果d，內錯角同位角果d。

今日第1堂ESOL，做練習，

今次david同我一齊上，佢做另外d野，

第2堂english，做research果d野，

第3堂graphics，呀sir教果d比例果d，

聽到頭都大埋，完全唔明，之後我畫圖，

發覺我間playhouse整得太大，

同間真屋差唔太高，即刻改，

但係唔夠時間改，所以帶番home做，

第4堂maths，做test今次呢份有d挑戰性，

要寫好多，最尾果題唔明佢講咩，所以冇做，

我寫就寫好多，但係此終都係英文，所以唔肯定，

lunch去art room做我個畫版，

第5堂science，教alkanes同alkenes，

果d formular搞到我好亂。