今日去左jeff home，得我,kazu同jeff，

我地去個大草場到放風爭，

果個風爭要兩個線卷，初初每人拎一個線卷，

一個人拎起個風爭，但係之後覺得兩個人難控制，

同埋個風爭有個膠既野跌左，搵唔番，

驚會有野再落，所以一個人拎2個線卷，

一個人拎起個風爭，

一個人係側邊睇住會唔會人野跌落黎，

放左超多次都唔得，

跟住jeff同kazu去上網搵下點放風爭，

我就繼續試，有3次差d就成功，

放到3層樓高，飛左十幾秒到就跌番落黎，

真係唔抵，其實一個人都放到，

隔左好耐佢地番番黎，再放過，

但係仲衰過我自己放，

放左陣去mark home借籃球打，

打左冇幾耐就入屋，狂食薯片，

食左3筒，食完番去jeff home，

睇鋼之鍊金術師，又睇一套戲，

但係睇左一半就要走。

今日第1堂english，初初去左圖書館睇書，

跟住番課室做ws，

第2堂graphics，教畫5邊型，

真係好勁，就咁用圓規同3角尺畫出黎，

畫畫下火警鐘響，

好似話係jeff果班某個同學"禁"左警鐘，

第3堂maths，做測驗前既最後練習，

第4堂science，去另外一個課室，

睇關於kiwi既錄影，超得意lo，

第5堂art，水彩畫畫。

今日第1堂graphics，雖然交左報告，

但係都好似好多野做咁，

今日教我地用3角尺同圓規，

唔洗用量角器都可以畫到唔同角度，

我地就畫左個5邊型，但係度出黎有d唔同，

第2堂maths，講下是期既test，

第3堂science，讀kiwi數量點解會減少，

第4堂art，miss搵番我果個報告，

佢話我放左落另一個file到，

放錯果個既file同我原本應該要放果個file既樣一樣，

真係搵黎搞，我以為我好小心，

我已經睇左係year11，冇錯嫁啦，

點知原來果個係放畫，

第5堂ESOL，教生字，同埋默生字，

滿分係20分，我拎16.5，jeff拎16，

mark拎9，mark佢琴日溫左成都記唔到，

jeff佢今朝先溫，我就睇1個鐘都冇，

放學落town，寄包裹比我家姐，

買果個包裝袋，買左貴5毫子果個，真係唔抵，

跟住因為jeff拎16分，佢好開心，

所以請我地食野，因為我覺得唔可以咁衰拒絕人，

所以就比佢請，我就要左個6蚊既飯盒任夾，

夾到滿曬，拎番home食，

好彩我home今日煮d野我唔係咁中意食，

可以食少d，食完飯之後，

等我homestay出左去之後就食果個飯盒，

仲暖嫁，超正！

今日第1堂maths，做test，

好簡單，但係可能我會解錯題而錯，

第2堂science，miss又唔係到，

我地成班去左graphics課室到用電腦，

上網搵關於kiwi既野，

跟住因為今日冇graphics堂，

所以我小息留係到做果報告既封面，好快搞點，

第3堂art，上個星期5係交我份報告既最後一日，

但係因為我星期5要去science trip，

交唔到，所以我星期4交左，

我地交報告係將份報告放入一個大file到，

我交果時成個file得我果個報告，

但係今日miss問我果份報告係邊，

我搵曬成個file都唔見，都唔知去左邊，

成堂冇心機上，miss話幫我搵，

臨落堂前我miss問左我一個問題，

我答左佢之後，佢好似諗到d野，

第4堂ESOL，填form test，

lunch去graphics課室到交我份報告，

點知見到人地果d之後，

覺得我果份好似做少左野，

做少左要寫既計劃書，即刻打，

但係唔知點打，到最尾都係照交，

第5堂english，差唔多成堂係到睇書，

係臨尾果幾分鐘要我地做ws。

今日第1堂science，miss又唔係到，做ws，

第2堂art，上左15分鐘，跟住去hall集會，

第3堂ESOL，教我地填form，

第4堂english，一齊睇一本書，

個miss真係讀得超快，玩急口令一定贏，

lunch打籃球，好有活力，

第5堂graphics，畫左一幅圖超滿意，

因為聽日要交，所以帶番home做，

畫左超耐，遲d放相上黎！

今日係呀mark生日，好多人送野比佢，

第1堂art，miss唔係到，不過野超做，

因為之前果幅太X，所以再整過幅，

第2堂ESOL，教生字，

第3堂english，睇書做ws，

第4堂graphics，繼續加野落我個設計圖到，

lunch打籃球，我籃板高琴日呀mark果個好多，

唔怪得知我琴日好似就點到"kran"咁啦，

第5堂maths，教另一種統計圖，做練習，

講起graph呢個字，讀gref，定係讀graf，

兩樣都有人讀，我就讀graf，

但係呢到a大部份d人又讀gref，

我又想學佢地，搞到變左gre-af，

我部電子辭典讀gref，

但係yahoo字典就讀graf，

唔知係咪美/英音?

今日好早起身煮面食，洗衫上網，

跟住同kazu工天齊去jeff home，

一路行一路睇書，差40頁就睇完，

去到等埋mark去踢球，打排球，

然後因為一陣微微雨，所以番番jeff home，

過左陣去mark home打籃球，真係正有籃板，

我成日係我home淨係係到練插花，又冇得射，

打籃球打左超耐，打到冇曬力，

之後叮左雞寶食，好味，跟住坐左陣，

再去jeff home食杯面，食完再踢ball，

係到玩追ball，jeff佢帶住個ball，

要我地搶，跑死！

今日好早起身睇鐵甲威龍2，

跟住玩左陣電腦，打左陣籃球，

然後lunch，境然食豬腳，

第1次成隻豬腳咁食，

係hk南乳豬手都係斬到好細舊，

好d奇怪，係到拆骨，有d變態，

lunch完睇stef d台劇，睇到7點幾，

睇完再打左陣籃球。

今日到我出trip，去mt bruce，

著便服番學，因為得我果班science class去，

所以唔多人著便服，搞到我好另類，

得我一個著，唔知會唔會自己著錯衫，

去左tutor點名先，然後再去巴士到集合，

坐左岩岩好一個鐘車就到，

初初比我地係間房到体息下食d野，

然後介紹一輪，之後先出去行，

果到有d似濕地公園，

但係係側邊d濕地轉左做森林，

一路行一路錄影，係到介紹d頻臨絕種既雀，

然後講佢地用d咩工具去殺果d食頻臨絕種既雀既動物，

有個老鼠夾既野，果隻假老鼠比個夾夾到扁曬，

睇完呢個睇kiwi鳥，nz特有，但係淨番好少，

入到去果個kiwi果個地方到，

因為kiwi係夜間出沒，所以周圍都黑蚊蚊，

果到有少少紅光先睇到，

隔住塊我地睇到kiwi，

但係kiwi睇唔到我地既玻璃睇，

我睇到兩隻，超得意，

睇完番去食去食lunch，lunch原再行，

講果d好長 既淺水魚，好似又係頻臨絕種，

番去既途中，見到有一個保護牆，

有電線保護住，跟住有個女同學去點，

佢點既時候，全場靜曬望住佢，

當佢一點到即刻係到尖叫，

哈，超搞笑，真係去點，

跟住行番去嫁巴士到，番到school之後有早，

等埋A3一齊放學，落town買生日禮物比呀mark，

去左warehouse(超市)買左兩條chocolate，

然後去到new world(超市)睇，

發覺我買貴左一毫子，真唔抵！

今日第1堂english，因為好多同學出左trip，

得番6個人，所以去左圖書館睇書，

第2堂graphics，繼續加野落d圖到，

畫一個野，畫左超耐都畫得唔好，真奇怪，

第3堂maths，做數，

第4堂science，講聽日我地出trip既準備，

然後對之前做果d練習，

第5堂art，比左一幅畫我地睇，

之後教我地技巧，然後自己做。