一個星期就係咁就過去啦~
講真時間真係過得好快呀~!!!如果再十下十下就真係冇乜時間剩架啦~
自修室竟然抽到我喎~真係估唔到呀........既然天都俾個機會我溫書，冇理由唔好好珍惜架!?
眼見人人都開始溫書，我冇理由仲渾渾噩噩咁度日子架ma.....
但係我都知既，我咁懶，坐定定溫一個鐘都嫌辛苦，邊有可能得架????
CK Wu講d野，我果一下真係好感觸呀~一路聽佢講，一路同自己plan....
不過做唔做到，又係另一回事~ 要做到言行一致，真係好難.....
阿ba成日問我：「你究竟幾時先肯生性？」 e個問題我都唔識答，生性既定義，個個人都唔同...
我覺得我自己已經好生性，但係我阿ba話我好曳.......其實我算唔算生性呢？講真我自己都唔知......
好鬼憎阿爸成日將我同其他人比，又話人好乖，又話人地自覺，又話人乎生性，又話如果佢有咁既女就好啦~
我知，我係懶，我係唔肯去溫書呀~ 咁又點姐??唔通成日靜靜地坐係度溫書就一定係乖乖女啦咩??
我覺得真係好無奈，人係唔會做到十全十美架，每個人都有唔同既優點同缺點.....
我係唔明佢點解要將我同其他人比，人比人，比死人.........我會寧願選擇做返我自己~!!!!!!
哈哈~打左成篇野，覺得自己講野真係冇point架.....一篇野裏面係完全冇主題架lor.....
(咁姐係我好成熟呀~!!!
)
( 珺姐教我用e個字「喪」架~)....