友勢日本料理 (荃灣)

 

 

 

第二次來吃放題，兩次都係七點前入座，唔多客人，坐卡座，好寛躺。 早D到，台上的沙拉醬還是奶白色的，記得上一次來的時候，醬料一早已經擺係台，沙拉醬變成深黃色，連舊WASHABI都風乾左，今次好好多。

人少D侍應都好態度D，主動過黎落單。 串燒 - 左起：冬菇，粟米，牛舌，茄子。
冬菇同牛舌超正，推介！粟米茄子同其他肉類都OK，值得試，除左雞皮，燒到干哂，咬落一口油！

肥牛炒椰菜，幾好，木魚好香。

清酒煮蜆，有淡淡的清酒味，無沙，好吃！推介！！

各色天婦羅，無乜特別，可以不吃。 各色卷物，好吃，細細舊，吃了也不太飽肚。

各色壽司，也好吃，舊甜蛋有D散。

花之戀，我個人很喜歡。 蟹捧烏冬，頗大碗，一個人吃不適合。

薄燒牛肉卷同和牛粒（無相），頗油。

沙律，食左三文魚同雜錦魚生，魚生份量仲多過菜。 麵鼓湯同立魚湯，好飲。

蟹粥同蟹皇翅，完全無味。

另外仲有刺身，叫幾多黎幾多，從無漏單，好新鮮，無水汪汪，好吃。

雪櫃有甜品，汽水同啤酒，不過無攞，見到D甜品無蓋CUP住，有塵……

試左即沖機既朱古力，咖啡同檸茶，得朱古力好飲，咖啡同檸茶甜到爆。不過呢三樣野同日本野唔多

夹，我個人建議飲茶係最好既。

最後，牛奶供司雪糕每人一杯仔。

整體黎講係OK，食兩個鐘，D野叫左等一陣就到，都幾多款，飽到爆。