今助 (沙田)

 

 

 

為慶祝同事生日，我地一行七人來到今助，唔算人多，等左十五分鐘倒就有位。 Menu有四頁，價錢中上，一個定食七十幾至百幾左右。

叫左兩次先有人落單，侍應用極速從覆張單一次，都未聽清就走左，後來發覺落錯單，叫左另一個侍應，此人用非常不禮貌既態度問我地係咪要改單，之後勁大聲"汁"，真係比佢態度吓一吓。

食物立刻到，好明顯係一早煮好。 同事的天婦羅刺身五目飯定食，賣相OK。天婦羅微溫，刺身新鮮，好大碗麵鼓湯。 我的牛肉烏冬壽司定食，壽司無左，侍應話後上…想影張全相都唔得。牛肉係打邊爐既肥牛，無乜話好唔好食，烏冬好煙韌，唔鐘意D天婦羅粒，搞到D湯好油。

食哂碗烏冬壽司都未到(好細碗…得幾條烏冬)，睇下其他人食乜。發現同事既壽司同烏冬係同時上，等呀等，終於來了我的壽司，唔知同同事的有乜分別，要甘耐。

一口咬下…魚生是冰的，飯是熱的 ，一夾就散，我終於吃到傳說中既冰火壽司，定食定位都唔平，甘既質素我接受唔到囉！ 叫左三次侍應沖茶，各位都視而不見，最後同事忍唔住大叫，終於有人理我地，沖左杯有色無味既茶，唔該哂！

食物都叫OK，環境都OK，服務比零分還差，負分！如果有下次，揀個少D人既時段…