金港海鮮大酒樓 (羅湖黃貝嶺)

 

 

 

真係無留意原來OPENRICE有得寫國内既食評，等我寫下呢間金港茶樓先，因爲工作関係，耐不耐就會上黎黃貝嶺，人生路不熟，第一就黎左呢間金港茶樓，食過OK，而加都算係常來儸。

座落都幾光猛，又ok乾淨，不過冷氣唔夠，大部份囯内地放都係咁，囯内人怕凍D呱？ 睇下菜牌，咦，串錯字渦，再留意下，原來門口同海報都錯，OK啦，同食物無關。

茶每位兩蚊，點心（下午茶時段）一律6.8，包括大中小特超頂點。

叫左好多點心，因爲覺得好抵，但係太肚餓，好多都無影相就比人食哂…… 呢個係魚翅餃，賣相幾好，皮薄多料，蝦好鮮味，正！ 鮮蝦菜苗餃，一般。 煎韮菜餃，必食！！D韮菜多到爆出黎，皮薄而不爛，真係慢火煎出黎唔係炸，咬開之後好多汁，要小心D食。 榴蓮酥，喜歡榴蓮的朋友一定LIKE呢個，好多榴蓮，甜度適中，皮好鬆軟但唔“漏”，好正呀。

基本上香港有既點心呢到都有，都好食，不過要睇住時間，一到四點就熄冷氣，唔理客人多少。雖然大家都講港東話，但係溝通上真係好有困難，要求開多一壼茶，講左成十次都唔明，係咁咁同我地講話枱面已經有，係咪開錯。乜囯内唔比開兩壼茶架咩……？