洛斯餐廳 (元朗)

 

 

 

洛斯餐廳真係有左好耐囉，翻新左裝修，但依然有個種舊式茶餐廳feel。 來到打算食下午茶，枱上餐牌一大疊，檣上都貼滿哂特價，推介等，有選擇困難癥嘅朋友慎入。 凍茶一杯。 魚香茄子炆米，自動付上辣椒醬。茄子，芽菜，紅青椒，蔥，蒜頭，肉碎等，好大碟。味道很好，不鹹不油，不過吃不到魚香味。 楊洲炒飯，多料，炒到粒粒飯，唔係爛飯。蔥花好香，食落唔覺油，正。 呑拿魚三文治，一般水準，生菜無出水，夠沙拉醬，加埋杯凍野飲都係十六蚊，平呀！ 呢道凍飲唔加錢，有啲餐仲送雜菓冰、紅荳冰。我鍾意飲雜菓冰呀，雖然只係罐頭雜菓加汽水，哈。

環境ok啦，唔太迫，非常大冷氣，有時仲覺得凍添。

服務，一般茶餐廳囉，你想有咩服務先！？至少會主動走過黎落單嘅。

哈哈哈，多多黎支持街坊老店啦！