|
自己並不住這區，所以對這裏的酒樓不熟，友人説了這間酒樓的名字數篇還是記不下來……實在好不容易才來到的説。
當晚為慶祝某人生日，叫了半席，二選一其實無乜分別，一般酒樓都係個幾味。
暫定叫呢幾樣。
拼盤ok，無乜特別，叫做排得幾靚。
無哂蒸海蝦，於是比蝦球，芝士汁好多，但無味，不好吃。
炸脆奶，超厚皮＋油膩味，差。
又無哂芹香乜乜，自動波換做翠玉瓜炒乜乜，食唔出係花姿定魚……味道ok。
鷄，又係無乜味。
冬菇同花膠好入味，呢個正！好快比人食哂。
魚茸翅，賣相唔好，不過幾好味，一人一碗又係好快食哂。
荷葉飯，好味！！好香又多料，正呀！
盛返個魚同麵無影相亦無食。
桂花糕，紅荳沙都ok嘅，不過鍾意食甜嘅我覺得唔夠甜囉。
另外加五十元要了這壽包……唔好食……
平日人唔多，服務ok價錢ok，可以一試啦。
| 用餐日期: 2012-06-08 慶祝紀念: 生日 |
| 是次消費: 每人約HK$200 (晚餐) |
|
