金滿都越南餐廳 (沙田)

 

 

 

成半年無黎，是因呢間野認真唔好坐，勁迫，坐街又勁熱，而且試過比食署趕，怕怕。

咁耐無黎，加價預左，份量亦縮水，但係個餐牌無變過，仲系個幾樣。 叫左乾炒牛河，香茅豬肉煎蛋飯，凍檸檬茶。

炒河勁多油，少肉少配料，真係蔥都無條，味道ok，豉油味重。

飯，落左蔥油係面所以食落一口油，不過幾惹味，賣相就……做乜咁亂呢？隻蛋煎爛左，漏哂啲蛋汁，豬肉香茅味唔夠。

三十幾蚊凍飲唔使加錢，好多學生難等位，侍應態度相當有性格，唔……ok啦。