金裝燉奶佬餐廳 (屯門)

 

 

 

喺屯門行街行到攰攰地，入左黎呢間燉奶佬到hea一hea，啱啱好有位唔使等。茶餐廳黎講都叫幾好坐立，啲冷氣仲超勁添。

等左好一陣都揾唔到人落單……最後叫左兩個下午茶餐。 餃子羅宋湯米線配杞子龍眼蜜，正式個名唔記得左啦。餃子好細粒，羅宋湯略甜，杯野飲更甜，水吧師傅落重左手？超勁蜜糖味。 豬扒包配肉躁米線，熱奶茶。豬扒包係凍嘅，好明顯係整好好耐囉，味道ok嘅，豬扒幾大塊，番茄新鮮，我相信熱食應該好好味。肉躁淡，不過都叫幾大碗，以加五蚊嘅價錢黎計都幾抵食，熱奶茶唔得。

成個餐，除左碗肉躁米線之外，其他等左成廿分鐘先黎，連飲品都要等咁耐。

至於啲服務囉，侍應……我估佢地係暑期工，好似咩都唔知又唔想做咁，一邊落單一邊un腳。如果趕時間絶對唔好黎，食個下午茶花左成個鐘。