紅心食堂 (沙田)

 

 

 

公司附近嘅飯堂真係無乜邊間好食，見好耐無食過紅心就比多次機會佢啦。 叫左楊州炒飯配熱奶茶，外賣大概等左三十分鐘，算慢。

失望，一啲進步都無……個飯係好大碟，亦好多料，但可以完全無味，淡得咁緊要，師傅係咪唔記得落鹽炒？好彩啲叉燒仲有啲甜味，最後自己加豉油調味，唔該哂啲擺豉油係公司嘅同事！

算啦，淡都好過過鹹，感覺上健康啲，不過炒飯都唔會健康得去邊，都係自欺欺人嘅啫。

熱奶茶就幾好，滑，茶同奶嘅比例調得好啱，慢慢嘆。