大榮華酒樓 (元朗)

 

 

 

有朋自遠方來，聽聞元朗嘅大榮華出名，特別去試下。

一入去，第一個感覺係舊式茶樓喎。侍應愛理不理，問有位未，答佢未有，哦，咁你地入去揾啦……

坐落一張四人枱，同人撘枱，無換枱布，幾汙衊。外邊天氣很熱，茶樓唔算好多人，不過冷氣都係唔夠。 茶只是半溫，我最討厭飲茶啲水唔滾。

點心叫左幾樣，不呢樣無個張無，最後淨返五樣。 奶黃馬拉糕，好黃好扁，食唔到奶黃味，亦唔鬆軟，失望。

煎韮菜餃，好明顯係炸，個皮超厚，食落有啲食鹹水角。 蒸粟米餃（上），侍應推介……個皮又係超厚，似係粉果皮，入面有粟米，遙柱，豬肉，無乜味。

元朗小籠包（下），個樣同粟米餃好似，同一種皮，只係一個超厚皮包住豬肉嘅野，我唔會叫佢做小籠包。無味，黎到個皮已經爆左，肉汁欠奉。 紫菜糯米卷，蒸熟左嘅紫菜好靭，個飯還好，有少許花生，不過我都係覺得用包面嘅糯米卷會好啲，呢個有啲似蒸熟左嘅壽司。

執枱幾勤快，不過無人沖茶，唔想你坐？雖然無乜客，可能都想你快啲埋單掛。

食物麻麻，茶唔得，服務沒有，環境普通，飲茶無下次了。