金港海鮮大酒樓 (羅湖黃貝嶺)

 

 

 

這間店就只有我一個人寫食評？

又開始做promotion，茶市吃滿一百送一百元現金券，二百就送二百，如此類推。現金券只能在晚市用，不過我地一群人都經常黎食，所以幾乎等於午茶免費。 餐具話已消毒，本人覺得包膠可有可無，浪費不環保。 大排檔式點心counter。

小點¥4.5 中點¥6.5 大點¥9.8 特點¥11.8 超點¥13.8

本人覺得好平，幾乎唔睇價錢就叫點心，鐘意邊樣攞邊樣，叫到一枱都係。 鹹點心有蒸排骨，鹹菜大腸，南乳鮮魷等，有水準之作。

炒陳村粉，炒麵，香港食唔到有咁靚嘅粉，半透明狀，用左xo醬炒，少少辣，香口惹味。

卓菜心，芥蘭，條條都係菜軟，正。

煎韮菜餃，煎黃金糕，同平時一樣，永無失手，必吃。

特別要介紹下呢道啲甜點。 欖仁千層糕，香港已失傳了，功夫多的點心，已經無人會做。入面有瓜子，蛋黃，糖冬瓜，芝麻等，甜而不膩，每層嘅口感都唔同，犀利。 雜豆糕？唔知點叫，又係好多功夫嘅點心。入面有各種豆類，咬落有陣陣豆香，少少甜，其實唔係好算係甜點。 榴蓮薄餅，千層薄餅睇落好薄但食落好有層次，淡淡的榴蓮香，好正！唔鐘意榴蓮嘅人可以揀香蕉，花生醬，萍果等，有成十幾款揀，總有一款啱你口味，哈。