金港海鮮大酒樓 (羅湖黃貝嶺)

 

 

 

很久沒來吃晚飯，由於中午茶市做promotion吃一百送一百現金券，來吃晚飯的人多了很多。

剛好有位，坐落見餐牌無變諗住叫返之前食開個啲，點知侍應話個啲無左啦，介紹左幾樣新野，一於試下先。 先來左條多寶魚，清蒸，好鮮甜，豉油略微唔夠。 枝竹肉丸煲？唔記得叫乜，見顏色咁淡以為無味，點知好香，湯底有豬肉，螺片，芹菜，胡椒等，攞黎當湯飲都得。 家鄉煎讓豆腐，煎得好香，金黃色，又滑。 三杯炸大腸，成碟都係腸，無配料，勁大碟，腸炸得黎又唔油喎，洗朝淨而且唔肥，食得幾安心。記得上次係某大排檔食有S係入面，之後都驚左食呢樣。 欖角蒸五花腩，惹味！不過唔食肥豬肉嘅人免叫。

甜酸骨，一般，大眾貨色。 蒸讓節瓜甫，蒜蓉味好香，軟硬適中，清甜。

叫左姜汁芥蘭，不過賣哂，轉左做豬油泎炒菜心，嫩菜心，不過真係好油，凍左啲豬油一塊塊。

外帶左隻鹽焗鷄，居然比外帶食物係堂食，咁我地又唔客氣擺埋上枱面啦。

食物真係好好味，不過上菜好慢，同埋間鋪真係好多侍應，每枱有一個人mark實，我地枱唔知點解有三個，咁比人望住食野真係好唔慣，雖然係咁，啲人唔叫都唔去沖茶，個茶壺打開左好耐，三個人都睇唔倒？

午茶食一百送一百，晚飯食夠二百可以用一百，我覺得真係好抵！