金莎冰室 (元朗)

 

 

 

呢條食街啲鋪頭個個星期都唔同，要留得住客真係唔容易，平時食開個間無位，黎左係附近嘅呢間金莎冰室。門口幾簡潔，價位三十幾一個午餐，ok啦，決定入去一試。 午餐餐湯∼粟米豬骨湯，無味精，真材實料。 叉燒煎蛋飯，雙蛋又多飯，飽！ 另外叫左常餐，咖喱牛肉米粉，牛肉嫩，咖喱汁幾香，不過太少了，唔夠味。 配火腿奄列，牛油多士同炸鷄亦。奄列剛剛好，無煎過老，仲有蛋汁，好味。牛油多烤底，正。炸鷄亦太過燶了，唔掂。
成個餐連餐飲都係二十七蚊，幾平。 仲有叫左五香肉一丁米，份量同味道ok，其實五香肉丁都係罐頭野，應該唔會好難食。

侍應好禮貌，不過成日跌野，可能同間鋪太迫有關。唔好坐立，勝在冷氣夠凍，啱哂夏天黎。