|
來到中環辦點事，剛巧朋友放工決定一齊食飯，對這裏附近完全不熟悉，行過匯業見沒有客人，於是過門不入。行到街尾也沒有心水餐廳，又行返上街頭，最後都係揀左呢道。
依然無人，入內坐低，侍應不知從可處走出來，見我地唔知食乜好，先讀出晚餐餐牌，再解釋焗飯有炒底，芝士面等等，好耐心到爆。
落完單，侍應端上兩個雜菜湯，一個唔係餐本應沒有餐湯，但侍應話送嘅。
一番好意可惜餐湯真的太鹹，本住不浪費原則，最後都飲哂。襯住侍應上主菜時，同佢講啲湯太鹹，於是佢話入廚房試下，幾分鐘後出返黎同我地道歉，千萬個對唔住，搞到我地都真係好唔好意思……
蒜蓉汁炸帶子鷄扒飯，明明是西餐卻配上三條中式菜心，有點怪怪的。味道一般，不過全部新整起熱喇喇幾好食。
咖喱牛腩飯，牛腩不夠諗，而且細細碎碎，好在個咖喱汁幾好，有椰香味。
食到一半侍應又出現了，問我地夠唔夠食，洗唔洗添飯，我都未試過食西餐可以添飯……其實飲完咁大碗湯再加上一個份量唔細嘅飯，真係好飽，多謝哂佢一番好意了。
餐飲要左凍檸檬茶，超大杯！紅茶底好香，good！
食完坐陣傾下計，老闆返黎，廚房上菜預備開飯，見啲小菜炒得幾靚，下次可以黎試下中式菜飯餐。
加埋一，八十八元搞掂，中環地區，好坐立，我覺得好抵囉。
| 用餐日期: 2012-09-05 |
| 是次消費: 每人約HK$45 |
評分: 味道 3 環境 3 服務 4 衛生 3 抵食 3
|
