金龍美食餐廳 (沙田)

 

 

 

差唔多成年都無黎過金龍，都無發覺佢原來已從新裝修過，光猛左，乾淨左。

食品無變，事隔咁耐無黎加左價都好合理，是日叫左米線餐，麵底十八，餸六蚊，加四蚊可配冷熱飲品。

麵底可選米線，薯粉，水晶粉，擔擔麵等，湯底有清湯，酸辣，麻辣（大、中、小辣），而餸方面都係一般大眾貨式。 魚腐麻辣擔擔麵，本來是叫酸辣的，落錯單不過算了，麻辣都ok嘅。魚腐有點像鯪魚球，軟綿綿大大粒幾好食。本人不好麻辣，真係好麻好辣，食到留鼻涕，好彩枱上有紙巾盒。擔擔麵很一般，太淋了，一夾就斷。 朋友叫的牛百葉鷄亦清湯米線，只嘗了一口，真係好清，味道好淡，可能係味蕾都比麻辣蓋住了。 跟餐叫了凍檸茶，味道ok，可惜不夠冰，唔凍。

價錢唔貴，都幾大碗，想吃米線又不想等位是個可選擇的地方。