和氣火山石手打烏冬 (沙田)

 

 

 

河畔又開多了一間手打烏冬專門店，叫和氣火山石手打烏冬，個名幾長，睇左幾次都記唔到。午餐四十至七十左右，選擇有點像在附近的鳥良，不過此店人氣遠遠及不上，那邊每天都大排長龍，是日都係因為等唔到位黎左和氣試試。

入到黎，居然只有三枱客人，正正午餐時候都咁靜，唔通啲野好難食？！

我同友人都揀左拉麵配三文魚手卷，拉麵或烏冬餐可配三文手卷，蟹子沙律（仲有一樣唔記得左），而飯餐會送麵豉湯同菜沙律。 等左五分鐘倒，手卷來了，用了一個架子插起，賣相幾靚。味道一般，至少係新做起，紫菜還硬身。 叫了地獄叉燒拉麵，叉燒有四片，還有荀片，木耳絲，粟米，嗚門卷，蔥花，同一塊浸泡在湯中嘅紫菜。湯底好濃，幾辣。叉燒軟腍入味，拉麵不像是日本拉麵，像是普通即食麵，不過這個價錢亦不可能吃到真正的日本拉麵吧。 另一個叫了和風牛肉濃湯拉麵，配菜是一樣的，叉燒換上了肥牛，這個感覺更港式了。所謂的濃湯湯底到底是什麼呢？好像在喝味精湯……

雖然味道真的很一般，但係這店幾好坐立，服務態度又ok，我都會再黎嘅，下次可以試下飯餐。