富都餐廳 (元朗)

 

 

 

富都的早餐、午餐、下午茶、晚餐同宵夜餐都吃過了，其實任何時段都價錢相約，而且坐滿人，寫埋今次應該可以停一停。

早餐不外乎都係港式同中式之分，所謂的西式早餐都係十分港式，價錢廿幾至三十幾左右。 牛扒太陽蛋香腸配上繪汁，餐包賣哂自動轉為牛油方包。牛扒幾入味但又無蓋過本身的牛味，好吃。 吉列魚柳煙肉反蛋餐包，魚柳炸粉略微厚了點，煙肉也炸得很硬，早餐來説好像太熱氣了。 煙肉反蛋牛油方包配火腿絲通粉，煙肉也是炸得很硬，通粉幾好，不是味精湯。 餐肉太陽蛋餐包配沙爹牛通，餐肉厚切，不錯，沙爹汁好味，份量唔細。 餐飲要了凍央走甜，熱奶茶，熱華田。上次少甜都係超甜，今次杯凍央走甜ok喎，一樣好滑。奶茶又係好滑，保持水準。華田幾濃，唔錯。 第二日，唔得閒食早餐但又黎左食午餐，第一次叫中式炒野，叫左鹹魚鷄絲火腿炒飯。粒粒飯幾香口，鷄絲火腿都幾多，可惜食完全碟只吃到一粒小小的鹹魚，有點貨不對辦。

整體來講，富都的出品還不錯，有大電視又好坐立，還會再來。