稻香 (元朗)

 

 

 

很久沒去稻香打邊爐了，離家比較遠實在懶得行去，這晚心血來潮，一於去吃一下一蚊湯底。

星期日晚居然只有十幾枱客，三份一都唔滿客，這麽少人是因為街邊多了很多特色火鍋店，客源被搶走了吧。

先叫了一蚊的豬骨湯底，再叫了八碟料，是晚只有三個人，吃不了太多款。 侍應先送上茶再拿來了混醬調味盒，態度都幾有禮貌。 湯底有三舊豬骨，粟米蘿蔔少許，幾淸甜，唔錯。 美國肥牛（$38），幾有牛味，肥瘦比例適中。 水餃，雲吞，併青瓜餃（$14），每樣有兩隻，稻香的水餃同雲吞一向唔錯，次次都會叫，青瓜餃倒是新款式，其實同前者無乜分別，多了青瓜，有了一點清新感。 芝士腸（$18），跟金妹牌的味道一樣，無特別。 炸魚皮（$14），好大碟，不過又係街邊賣的味道，也是無特別。 海蝦（$28），本人對蝦敏感沒吃，聽說很新鮮。 鮮枝竹（$14），勁大碟，自己係街市買都要呢個價，而且枝竹打邊爐吸哂啲湯真係好正，必叫。 芥蘭併白菜（$18），焯過的芥蘭很淋甜，正。白菜就普通啦，有點老。 不知是否成本問題，以前會派的濕紙巾現在要開口問先比，但總括來講，服務是ok的，侍應有主動沖茶和幫火鍋加湯，雖然係無乜表情，但都無黑面吖。

唔使等位又有冷氣，啲野都幾好食，會再黎的。