裕滿人家 (元朗)

 

 

 

今早要到街市買點東西，行過又見很久沒到元朗人家喝茶，就上來喝個早茶吧。

早市有很多優惠點心，價錢相當便宜。叫了很多飽肚食物，午餐可以不用吃了。 皮蛋瘦肉粥＋家鄉炒米粉（$16）
粥好綿而且料唔少，好味。炒米粉少油，正。 鳳爪排骨飯＋鷄絲滑粉卷（$18）
粒粒飯再加上靚豉油已經一流，排骨略肥。粉卷皮厚料少，ok啦。 臘腸滑鷄飯＋鮑汁蒜鳳爪（$18）
鹹鷄加上臘腸夠惹味，正。鳳爪吸哂啲鮑汁，好味，不過底好油。 五香鹹水角（$7）
上桌味微暖，皮厚但唔油，ok啦。

總括整餐不過不失，好吃是好吃，但未能留下深刻印象。早市不算太多人，尚算好坐立，久不久也有夥計斟茶，價錢相當合理，順路的時候會再來的。