必勝客 (太古)

 

 

 

心血來潮，想食下pizza，商場無咩揀就黎到pizza hut。

人唔算多，但等位等左成四十幾分鐘，由午餐等到有下午茶。見到有幾張吉枱都唔叫，唔知係人手唔夠定有人訂枱。 到兩點幾終於有位，叫左一人一份餐配汽水。汽水可以免費添飲，而飲奶茶咖啡等都係加四蚊任飲，都幾抵。 湯同汽水好快就到左，白湯無乜味，而紅湯就偏鹹。 等多大概廿幾分鐘，焗肉醬意粉到了，幾香。意粉軟硬適中，但肉醬頗鹹，有點失望。 約五分鐘後，我叫的至尊薄餅也到了。很熱又足料，唔錯，很喜歡那個厚厚的麵包底。

由於很餓，很快就吃完了，但叫埋單又係等好耐！比完錢，等左成廿分鐘都未找錢。問第一個夥計，佢話check下。再問第二個，唔答……最後又等左三十分鐘。

出到門口，見仲係等緊位。梗係啦，食一餐，淨係等呢樣等個樣居然用左成三個鐘，趕時間的話絶對唔會黎囉。