|
第一次黎到板長壽司食野，對這裏不知為何本來就沒什麽好感，食過後覺得食物ok嘅，不過服務完全唔得囉。
坐係迴轉壽司枱前，見到轉緊嘅壽司已經乾了……可能係天氣凍掛。
攞了一碟新做起嘅甜蛋壽司，甜度適中，軟身，好的食。
之後見無乜想食嘅，落單order幾款野，侍應用超快嘅速度覆單一次，基本上我係聽唔到佢講咩，不過之後黎嘅野無錯就ok啦。
一係列嘅軍艦壽司，我淨係食左魚籽，好鮮甜，帶少少鹹，好味。
蒸蛋，好滑身，入面嘅冬菇同蟹柳略鹹。
三文魚刺身，好新鮮，算是厚切，魚脂比例剛好。
南瓜天婦羅，上枱時熱喇喇，不過有油益味，而且有啲似炸左好耐再返炸嘅感覺，扣分了。
全程想揾侍應斟茶但揾唔到，成日都係話等陣，真係等了又等，食完全餐，叫左幾次都係無囉。算啦，間舖咁細又坐滿客係好忙嘅，不過埋單個下勁快，同執枱都係超要效率嘅，我明，出面排隊等位嘛，繁忙時段服務係咁上下。
| 用餐日期: 2012-11-17 |
| 是次消費: 每人約HK$80 (晚餐) |
評分: 味道 3 環境 2 服務 2 衛生 3 抵食 3
|
