梨苑酒家 (羅湖火車站區)

 

 

 

父母提意上大陸行下，黎到羅湖行街街，晚上就選了在梨苑吃。

三個人，只叫了四個餸和一個湯。賣相頗精緻，味道非常不錯。 侍應放下的小吃和醬料，要收錢的…怪不得其他食客不要了。辣椒醬很香口，紅油大頭芽菜雖然有點過辣，不過相當惹味，一陣就吃光了。 湯，明爐天麻川弓白芷魚頭。真係成個爐擺係隔離煲，第一道菜黎，煲左十幾分鐘落魚，再煲。飲得，好入味，起勁嘅葯材味，魚頭新鮮，飲完一啲都唔覺口渴，真材實料。 砵仔南乳蓮藕燜腩肉，南乳入哂味，蓮藕好好味，又腍又粉，腩肉無預期中肥，入口甘香，正！ 鮑汁豉油皇鵝腸，勁多腸，鵝腸清潔得好好，又爽又好味，放底啲芽菜都好入味，很快就食光。 豉汁蒸鉗魚，蒜子清甜，超正。魚本身頗多骨，要小心食。好鮮好味，略微唔夠豉油。 鹽焗鷄，細係細隻啲，但肉嫩無肥膏。不算太鹹，連醬料一齊食一流。 白飯，唔夠熱，全晚最敗筆。

價位一般，比起幾年前食加左好多，不過還是比香港便宜，而且好好味，下次再上大陸再來吃。