新城市美食 (元朗)

 

 

 

屋企附近的新城市美食，沒有裝修，沒有宣傳，還是每天坐滿人，原因勝在夠平，吸引不少來吃個快餐的人。

非常自由配撘嘅早餐，基本上唔使跟住餐牌上所寫的次序，隨便揀自己喜歡的。 是日揀左沙爹牛肉公仔麵，午餐肉同香腸，牛油方包，配凍檸檬茶。

牛肉嫩，沙爹醬好味，雖不是出前一丁，但麵身煮得剛好，不軟不硬，唔錯。

午餐肉同腸都煎得過火了，有點黑，不過都ok，可以入口。午餐肉並非博切，值得一讚。

牛油包幾軟身，新鮮麵包。

凍檸檬茶不過不失，有啲唔夠冰。

環境係差啲，迫而且枱面不太乾淨，選擇坐店外會好一點。可是夏天不夠冷氣，冬天又好大風，食個便飯是可以的，人多就免了。

不過呢份早餐才廿多元，實在便宜。雖然呢幾年已經加了不少次價……

最近門口還裝了電視，是想提高一下環境吸引更多食客吧。