麗都讌客 (元朗)

 

 

 

有事做黎到麗都讌客附近，順便上黎飲下茶，勁多人等位，等左成半個鐘先有位。

唔係好肚餓，三個人叫左五樣野…… 燒肉叉燒飯，燒肉頗肥，燒得幾香口，叉燒都幾好，軟腍入味，飯係粒粒米，好味。 XO醬炒蘿蔔糕，完全無XO醬味，蘿蔔糕好散，碟底勁油，唔掂。 臘腸卷，條臘腸勁硬，唔好味。 其他茶樓好少有嘅魚翅餃，咬落頗油，啖啖肉，都幾好。 綠茶炸湯丸，少少綠茶味，入面係芝麻餡，流沙，幾正。

食物都叫住可接受，但杯茶認真唔得，無茶味，水又唔夠熱，上茶樓唔嘆茶點得。

再加上夥計態度差，扣哂分，我個人而言，飲茶可免了。