元気寿司 (尖沙咀)

 

 

 

除夕晚，到處都係等位食飯嘅人龍，係尖咀睇黎睇去都無邊間會快有位，於是決定等元氣。

叫到六十幾號，我張飛係八十幾號，諗住廿幾張好快，但我錯了……由六點幾等到九點幾先有位，由肚餓等到無感覺。 鍾意元氣嘅綠茶粉，幾濃幾淡自己決定，水夠滾，正。 蒸蛋，連蓋上所以好熱，好香蛋味又好滑，係暫時食過最好味嘅。

由於迴轉帶上的不太吸引，於是全部order。 芥末魷魚，勁wasabi味，而且新鮮，好味。
飛魚籽，有咬口，好味。
海膽魷魚，溶左呢海膽仲食到佢好鮮甜，正。
蟹籽沙律，已經係室溫，暖左嘅沙律麻麻。
甜蛋，厚切加上甜度適中，正。
三文魚，一般貨式。
炸蠔軍艦，啱啱炸起好熱，蠔好肥美，超正！

環境唔錯好坐立，服務員幫手拉櫈，落order同收碟都好快手，用具乾淨，整體感覺唔錯。而且價錢相宜，係眾多連鎖店中留下最深刻印象。