馬天尼餐廳 (元朗)

 

 

 

星期日的晚上不想煮飯，到了在家附近的馬天尼吃飯，其實這間餐廳有了很久，每次行過總是有點冷清，有點不想進去的感覺。

是晚發覺佢重新安裝過新的燈膽，比以前光亮了點，但老舊的裝修仍然沒變，舊舊的鐵櫈配上軟槈，有點像中巴櫈。

夥計態度愛理不理，果然係老店一向作風。叫了菜軟排骨炒麵，想轉做炒米粉，一問之下，夥計話得加三蚊囉……咁算囉，再問菜軟有咩菜，佢話廚房賣哂，有咩就會比咩，咁即係唔好問嘅意思？！ 先來個餐湯木瓜湯，清甜大碗又夠熱，無乜油又無味精，好飲。 福建炒飯，大碟多料，上面啲餸好熱好好味，不過底嘅炒飯就係炒定唔熱，撈埋食都ok，中和返啲熱力。料係雜錦海鮮再加鷄脾肉同蔬菜粒，有口感同鹹甜適中，炒底飯好香口，加埋汁食唔乾身，正。 菜軟排骨炒麵，大大碟同即炒，好熱好味。菜有點老，排骨亦有點韌，而且底好油，所以沒吃完。 味菜排骨炒河，同樣係即炒，又熱又大碟，豉椒同味菜好惹味。可惜排骨同樣是很韌咬不開，而且吃到底也是很油…… 餐茶叫了熱檸檬茶同熱奶茶，茶底滑，唔錯，枱上只有白糖可選，不過一向唔落糖的我也沒差了。

老店作風就是夠鑊氣同油脷，味道是一流的，用油方面有待改進，還有服務態度亦是，正如劉華話齋，今時今日咁嘅服務態度唔得啦。

 

一間有左十幾廿年嘅鋪頭，係開飯得兩個食評，果然係唔多受年輕人歡迎喎。