大戶屋 (太古)

 

 

 

有免費的電影換証票在康怡戲院，於是決定晚餐在太古解決，時間尚早，每間食店都無乜人氣。 選了大戶屋，不用等就有位，服務員態度還好，雖然他們都只是自説自話，但至少落單時有少許表情。

定食由七十至百幾蚊，都幾多選擇。 鯖魚餐~份量都幾大，魚好juicy，不過鹽落得唔平均，有啲鹹有啲又無味，有點失色。蘿蔔蓉好“辣”好水，試左一口就無掂過了。面豉湯好正，濃味又夠熱，仲有唔少配料。仲有一碗涼伴海帶同一啲吃唔出係咩嘅野，個樣有啲似茶葉？海帶鹹鹹地好爽口，個啲茶葉嘅物體就甜嘅，我唔like。白飯係真嘅日本米，好綿好有飯香，仲可以添飯一碗，正。
吉列鷄扒餐~好大塊鷄扒，啱啱炸起好熱好脆口，鷄肉嫩口，加埋梅醬好好味。配菜嘅青瓜蕃茄同椰菜絲有啲乾，似乎係一早預備好。下面嘅飯好大碗，一樣係好綿好味，其實就咁樣已經夠飽。餐本身可以跟凍蕎麥麵或暖蕎麥麵，是晚選了冷的。麵本身軟硬適中，好有蕎麥香，精髓在冷麵豉油中，好純嘅豉油加埋生蔥芥末好好味，簡直想攞黎撈埋飯。

一個人食似乎太大份，食唔哂浪費左。