沙嗲王 (尖沙咀)

 

 

 

沙嗲王一直都係抵食嘅飯堂之一，雖然服務同環境麻麻，但係佢個白咖喱同沙嗲真係好正。 必叫沙律，雖然又加左一蚊價，仍然係咁抵食，一餐飯有返啲蔬菜，感覺好啲嘛。 今次一樣係叫左豬扒，呢個係沙嗲，好香花生味。大大碟，撈汁送飯一流。 試左新野，温泉蛋泡菜肥牛石頭窩飯。上枱時超熱，好香，份量唔少。泡菜略微過辣，食到有啲麻。無乜點搞佢都唔多飯焦，點解呢？明明個碗好熱。 散加一杯凍奶茶，超甜同無茶味…

另外一日又食左沙嗲王。 今次要白咖喱豬扒，好creamy嘅咖喱，保持水準。 又試新野，滋味蝦堡選炸薯條魷魚，淨係食到油益味同超厚炸粉，呢樣無下次了…

食到飽飽都係一人六十幾蚊，抵食。