民樂茶餐廳小廚 (元朗)

 

 

 

一向食開個間茶記無位，黎左民樂一試。開業其實都幾耐，但一次都未食過，openrice亦只有一篇食評。入到去，清一色中年男仕，實在有點令人却步… 梅菜蒸鯇魚午餐，例湯ok，唔多油又唔重味精。一落單就黎齊哂，好明顯係一早整定，蒸魚凍左真係有啲腥，而且蒸得過長時間，韌了。不過份量唔細，兩大舊魚同勁大碟飯，食唔哂。凍央ok，雖然叫左少甜但仲係勁甜。 焗豬扒飯午餐，同樣一叫即到。呢份仲熱，可能錫紙keep到啲熱力。豬扒軟綿，不過無乜味，飯有炒底，但過份多水，好爛，鮮茄味不重，但唔難食，收貨啦。熱檸茶完全唔掂，淨係飲到漂白水味，我估個杯無過清水…

店內環境麻麻，服務亦欠奉，唯價錢比較平，味道尚可，可再試。