濠餐廳 (沙田)

 

 

 

公司收爐，包左半場黎麗豪酒店食自助餐，唔知係咪咁，我覺得特別少野食，雖然係午餐啫，但咩款都無囉。

熟食方面有咖喱雞同咖喱羊，旁邊有白飯，不過賣相頗差所以無試，聽旁人講話味道ok。 攞左啲火腿，煙三文魚，少許螺絲粉沙律同一塊炸魚。
火腿同三文魚都係雪櫃拎出黎，好勁雪味。
螺絲粉好淋同酸，麻麻。
炸魚勁厚粉同完全無味。 所謂的台式冷麵，有青瓜絲，火腿絲，紅腰豆，粟米等，加少少麻醬同芝士粉，味道淡，麵亦過淋。

仲有一個沙律吧，但係得西生菜而唔係羅曼生菜，醬料亦只有千島醬，黑醋汁，同白沙律醬，唔合格。 自己沖嘅凍檸茶，現場沒有冰供應，但茶又唔熱，半温吞加上無茶味，難飲。 各款甜品，白色個件係荔枝啫哩，甜甜地又煙韌幾好。淨返啲唔掂，淋左過左氣，唔好食。 雪糕係全日最好食嘅，正常味。不過付責筆雪糕個位姐姐塊面黑到呢…我都知呢個位係好攰嘅，辛苦哂。

個場咁細有五個冷盤位，頭先講過嘅沙律吧，冷麵，火腿，仲有一個馬來西亞沙律吧，黑色加上水流流，完全唔想夾。淨返係魚生壽司吧，有青口，蝦，刺身有三文魚同吞拿魚，壽司得太卷同甜蛋，味道正常。

熱食除有咖喱仲有幾個炒雜菜咁，無味又油，不吃也罷。

甜品除左頭先個啲，仲有夾餅機，完全自助，痴底烤燶嘅全部留係個機到，唔想掂囉。

無人收碟，只好撘到勁高…食物refill亦慢，受歡迎嘅野一陣就無。

公司唔係包場，啲walk in客比幾舊水食，仲要同我地爭食，真係辛苦晒。