|
友人提議來這裏吃下午茶，返正未試過，一於試一試佢。
四點幾黎到，只有一枱客，侍應話可以自己揀位坐。揀左張卡坐，很濶落，沙發跟枱高度剛好。
下午茶炒粉麵飯三十幾蚊起，而小食只是十八蚊起，凍飲不用加錢，尚算便宜。
飯餐送的例湯，豆腐豬肉？很細碗，凍的，再加上無味，好似飲水咁，飲左兩啖就放棄了。
菠蘿炒飯，賣相幾好。雖然係新炒起，但係都唔係好熱。配料有菠蘿提子等，甜甜酸酸幾好味。感覺上油唔多，至少食到底無油。
小食炸蝦餅，呢樣上枱時超熱，爽口彈牙，但蝦味欠奉。
另一小食要了豬肉串燒，又係唔夠熱，但調味不錯，大愛佢個沙嗲醬，好味。
餐飲要了凍奶茶，茶味不夠，勝在夠大杯，ok啦。
客少所以坐左好耐都無人趕客，基本上除左落單同上菜好少見到侍應，可能係忙緊預備晚市掛。如果想坐低傾計食下野，都不失為一個好選擇。
| 用餐日期: 2013-03-23 |
| 是次消費: 每人約HK$45 (下午茶) |
評分: 味道 3 環境 3 服務 3 衛生 3 抵食 3
|
