沙嗲王 (旺角)

 

 

 

通常諗唔到食咩嘅時候都會黎沙嗲王，貪佢多野揀，總會合人口味。是日中西日式食物都有叫，黎個大兜亂。 珍珠奶茶 $14
一向對沙嗲王嘅飲品祈望不太，是日ok，茶同奶嘅比例合格，珍珠有咬口。 白咖哩豬扒飯 $44
必叫之選，咖哩香滑，豬扒嘅香茅味出，送飯一流。 韓式泡菜炒年糕 $36
不少嘅泡菜同肥牛，味道酸酸辣辣好開胃，年糕煙韌入味，正！ 鮮茄蝦意粉 $54
意粉有點過淋，茄醬甜甜酸酸但好水，配料無乜味，而且賣相很差！ menu上的賣相是這樣的…… 煙肉蘑菇忌廉汁意粉 $51
醬太濃了好濟，煙肉蘑菇忌廉汁都係穩陣佩撘，味道ok，但賣相同樣很差。 冬蔭功薄切黑豚肉金邊粉 $44
冬蔭功湯底幾正宗，可惜金邊粉過份軟身，一夾即散，黑豚肉太多軟骨，咬得口痛。 沙嗲肥牛粉絲 $44
粉絲太淋但沙嗲湯底正。 招牌沙嗲肥牛博多拉麵 $47 加溏心蛋 $4
同上，沙嗲湯底正，拉麵無麵香但口感ok，溏心蛋幾流心但無乜蛋味。 鮮茄芝士焗餃子 $33
餃子有六隻，皮有點厚，肉餡ok。勁多芝士加上酸甜茄醬，個人覺得醬汁比餃子出式。

旺角店客多伙計少，落單都幾勞氣，但整體感覺可接受。