意大利千層麵屋 (元朗)

 

 

 

想試這餐廳好耐了，但每次行過都排隊，難得今日黎到無乜人（三點幾了……），立即去試先。

有午餐同下午茶餐牌，價錢相約，於是叫了一份午餐同一份下午茶share食。 午餐-千層寛條麵配黑松露薯蓉 $36
千層麵夾著大量茄醬同芝士，焗得幾香口，但茄醬略微太酸了。
薯蓉的黑松露味不突出，大量的忌廉牛油好滑，但好濟。 下午茶-麥樂雞配薯角 $28
麥樂雞係超市的雪藏貨式，無驚喜。
薯角新鮮炸起不錯，上面的酸忌廉醬好味。 熱檸茶
好細杯，檸檬澀口，唔掂。

份量幾大，好濟，超飽肚，未試過一次食咁多薯仔落肚。食物幾好，杯飲品唔得，人地都話左出名係即磨咖啡，硬要選檸茶，自己攞黎……

不過呢度啲伙計唔知係咪老板親戚/女友？個個唔想做坐係到，我又入門到埋單都無人行過黎，完全自助。自己揾位，攞餐牌，攞餐具（from隔離枱），去收銀度落單（黑我面），而加去左老麥？