自家烏冬 (荃灣)

 

 

 

突然想食烏冬，想起自家便來了。人很多，不過大部份人都係等八點半派宵夜時段飛，啱啱先八點，唔等宵夜啦，好快就有位。

坐落，水已預先放枱上，得半杯，叫侍應加水，個個都話等陣，算，落order先。

叫左兩個烏冬同蒸蛋，無覆單仲勁快走開，可能真係好忙啦。

等左十五分鐘都無野食，舉手，未開口侍應已經話野食黎緊，等下啦。

再等十分鐘，終於黎了。 醬門海鮮蝦湯烏冬
好强烈嘅浸蝦米水味，好怪。雪藏料無味，湯底又唔得，差。

茶碗蒸蛋
更差，食落又苦又澀，平時絕對唔係咁味。

同侍應講，靜左一分鐘，咁你地而加想點？我幫你地cancel囉。

幾分鐘後，侍應返黎，問過廚房啦，係新鮮冬菇嘅味，蒸蛋無壞到架。點都好啦，無你地cancel左，唔會收錢。

er……使唔使講大聲到成間餐廳都聽到呢？而加我個樣似唔比錢咩？？ 温泉玉子雞絲胡麻掛烏冬（暖）
味道ok，雞絲粉皮烏冬版，烏冬煙韌，份量唔少，幾飽肚。

食到一半再落order，又係換黎黑面一個。

都係等左好耐先黎…… 赤鯥壽司（右），墨魚軟骨壽司（左）
新野梗係要試下，味道一般，赤鯥好肥，好勁魚油。墨魚無乜特別。

食物咁一般，又要等勁耐，加上服務實在太差，不能接受，去第二間好過。