和喜雲南米線 (牛頭角)

 

 

 

行過見到呢間米線舖，綠色門面加黄色圓枱圓櫈，遠望真係幾似譚仔，返正想食米線，一於去試下。 涼拌皮蛋併雲耳*香辣 $18
汋熟嘅雲耳淋上辣椒油，辣椒油真係好辣，但雲耳本身無味，只要唔點太多辣油就ok接受到。
皮蛋好綿好味，下次可以唔要雙併要淨皮蛋。 四川麻辣烤雞中亦 $16
五香粉雞亦，上面加左一層辣椒粉，肉嫩，唔錯。 川味酸辣紅薯粉*魚腐 $24
要了少辣，唔夠酸。米線煙韌，魚腐有四粒，軟淋入味。仲有唔少配料，大大碗抵食。 凍檸茶$5
唔夠茶味，勝在夠凍又解渴。

價錢，味道，份量都同譚仔相約，好處是不用等位，順路嘅話有下次。