叻哥茶餐廳 (沙田)

 

 

 

度度都勁等位，見叻哥唔算太多人，就埋去等位。等左一陣就有得撘枱，卡坐本身已經超迫，仲要撘枱，啲食物一次過上，食唔切，擺到成枱係，繼續上野嘅阿姐見無位擺，換來“汁”聲，更示意食快啲，即時對此餐廳印象大減。 午餐加六蚊可以揀餐飲或餐湯，要左羅宋湯，好大碗，好多料不過略浠，味道正常。 另一個加左熱檸茶，好苦，茶太濃。 豬扒喇沙湯河。豬扒已切，方便入口。有四件，薄切，食得出用左好多鬆肉粉，味道一般。河粉太淋，而喇沙湯底頗淡，完全唔似喇沙味。油豆腐同半隻滷水蛋則唔錯，為呢碗野加返啲分。 海鮮喇沙湯河。感覺同上，味道一般。海鮮方面有蝦兩粒，魷魚一粒，蚝肉三粒，魚柳一塊，全部係冰鮮野，一啲鮮味都無。

唔難食但又唔算好食，價位一般，係無其他選擇時都可以考慮嘅。