有好幾個月無食譚仔了，好多朋友都話佢變差左，今晚想食佢嘅皮蛋，就來了。時間尚早不用等位，一去到就落單，返正次次都係叫個幾樣，唔使睇餐牌囉。

落單其間阿姐顧住同另一位阿姐傾計，又無覆單，心諗實落錯啦。果然，個墨丸竹笙變左乍醬墨丸，飲品又無少冰，皮蛋又落漏左…… 算啦，好彩好快有另一位阿姐搞返啱。 墨丸竹笙酸辣小米
勁大碗，我覺得無小米到。墨丸比以前粉左，得返人工嘅味精味，酸辣湯底亦淡左，其余都ok。 乍醬清湯米線
腐皮得返一塊，湯底無味，最唔掂係個乍醬，雖然味道同以前一樣，但好悕，好似落左好多水咁，汁同肉分離，感覺相當差。 紅油豬耳
脆辣，有咬口，份量多。 紅油皮蛋
退步左，皮蛋無味加上硬身，唔係以前咁入口即化。 凍檸茶走甜
夠凍又夠茶味，好飲。 凍檸蜜小冰
好明顯無小冰，成杯都係。好甜但唔夠檸，唔難飲嘅。

唔知係咪一間間分店，但確實不夠以前好食，有點失望了。