係開飯見咁多好評，又想食放題，一於黎呢間啦。訂左枱，所以等左一陣就有位。

睇完一次order紙，無乜特別吸引，咩都叫啲試下啦。 温泉蛋，說什麼店長堆介，真係平平無期，無蛋味。
什錦天婦羅，全晚最好食，夠熱，粉唔厚。
刺身，第一輪有冰鎮，新鮮，賣相靚。
串燒和牛，差！又韌又無味，同急凍鋪賣嘅味係一樣嘅。 燒牛仔骨，又係又韌加無味，可以不吃。
日式炒牛舌，味道正常。
鐵板雪花牛柳粒，鐵板無左，味道ok，蒜味略勁。
日式炒什菌，好韌好油。
燒菠蘿，酸但可接受。
刺身，第二round賣相差左，無冰鎮同埋好多野無黎，賣哂？ 柚子三文魚卷，三文魚ok但柚子好苦。
辣味魷魚，份量太多，頗韌，咬到口攰。
麻辣鳳爪，呢樣好似唔關日本野事？味道幾好，無骨加上成隻爪。
三文魚沙律，正常味。
蟹籽沙律，醬有點出水，唔夠凍。
吉烈蠔，蝦，好厚粉，又油，可以不吃。
海鮮濃湯，熱上味道幾好，但過左一陣凍左超腥，放棄了。
食飽整多一轉燒菠蘿，雖然唔算好食，但夠酸解油膩。

落單上野收碟速度一般，不過咁少侍應算係咁。價位一般，食物一般，選擇又唔多，再黎與否要考慮了。